Kuruga omu Janwali 2018, ekicweka nk’Oku Osobora Kubaza n’Omuntu kikaire nikitekwa ha kyesweko ky’akatabu k’ensorrokano, Obwomeezi n’Obuheereza Bwaitu nk’Abakristaayo. Nitusobora kukozesa tuta enyanjura zinu?

Obworukuba Nooha Ekicweka ky’Abeegi: Osomeriire kukozesa ekikaguzo, ekyahandiikirwe, n’ekyoratandikiraho ebiri omu kicweka nk’oku osobora kubaza n’omuntu. Baitu kinu tikirukumanyisa ngu okozese ebigambo byonyini ebiri omu vidiyo. Osobora kuhinduramu omu nyikara, enyanjura rundi osoborre omu mulingo gwawe hamu n’ebindi. N’osobora n’okugaba ekitabu kuruga omu Bikwato Byaitu Ebitukozesa Kwegesa, n’obukirukuba kitolekerwe omu buragirizi.

Obworukuba oli omu Buheereza: Ekicweka nk’Oku Osobora Kubaza n’Omuntu kitairweho kutukonyera kumanya ekitusobora kukora. Kakuba omuntu ayoleka ngu mali nagonza kumanya ebirukukiraho, n’osobora kweyongerayo kubaza nauwe kandi n’osobora n’okukozesa ebiri omu nyanjura ey’okugarukayo. N’osobora n’okukozesa ekicweka nk’oku osobora kubaza n’omuntu rundi nosobora kubazaaho ekintu ekindi. Ensonga eyabaziibweho omu kwezi kuhoire rundi ekyahandiikirwe ekindi kisobora kukwataho muno abantu ab’omu kiikaro kyanyu? Abantu ab’omu kiikaro kyanyu bagonza muno kumanya amakuru rundi ebintu ebihyaka ebibaireho? Omulingo gwona ogworakozesamu ekicweka kinu, ekigendererwa kyawe kisemeriire kuba ‘ky’okukora ebintu byona habw’amakuru amarungi nukwo osobole kugagambiraho abandi.’​—1Kol 9:22, 23, NW.