• Tekaho endagirro yaawe niyo akozese kukugarukamu. Kakuba orora ngu tikiri kirungi kutekaho endagirro yaawe, nosobora kukozesa endagirro eya Kingdom Hall baitu obanze okaguze abagurusi. Baitu, OTALIKOZESA endagirro y’ofiisi y’itaagi nk’endagirro yaawe ey’okukugarukamu.

• Kozesa ibara ly’omuntu ogu obworaaba olimanyire, nukwo alake kutekereza ngu ebbaruha egi ogihandiikire buli omu.

• Kigumye ngu ebigambo obihandiikire omu mulingo oguhikire, kandi ohondiire ebiragiro eby’orulimi. Ebbaruha esemeriire kuba neyera etarumu oburofu. Obworaaba ohandiikire n’okozesa omukono gwawe, kigumye ngu ebyohandiikire nibisomwa kurungi. Tosemeriire kuhandiika nk’owarukusandaara rundi nk’owarukuhandiika ebbaruha erukugenda omu ofiisi.

Ebbaruha enu ey’erukwoleka nk’oku osobora kukikora n’eyoleka ensonga zinu. Ebbaruha enu y’okukukonyera obworaaba nohandiika eyaawe baitu tikirukumanyisa ngu osemeriire kukozesa ebigambo byonyini ebiri omu bbaruha enu. Hinduramu nosigikirra ha kigendererwa, enyikara rundi emigenzo y’omuntu orukuhandiikira.