Ebintu ebirukurorwa bikonyera abeegi kutekaho omutima n’okwijuka ebi beegere. Yahwe Omwegesa Arukukirayo akakozesa ebintu ebirukurorwa kwegesa amasomo ag’omugaso. (Kub 15:5; Yer 18:1-6) Yesu Omwegesa Omukuru nauwe akakozesa ebintu ebirukurorwa kwegesa abantu. (Mat 18:2-6; 22:19-21) Kimu ha bintu ebirukurorwa ekibaire ky’omugaso muno omu myaka eyehingwireho nizo vidiyo. Okozesa vidiyo obwoba noyegesa abeegi baawe ba Baibuli?

Vidiyo ikumi zitekaniziibwe kutukonyera kwegesa amasomo agali omu burocuwa Amakuru Amarungi Kuruga Hali Ruhanga. Buli mutwe gwa vidiyo nigukwatagana n’ebikaguzo ebiri omu nyuguta ezikwasire omu burocuwa ey’Amakuru Amarungi. Burocuwa enyakuli ha mukura ogwa jw.org eine link ezirukutwijukya akasumi tusemeriire kwoleka vidiyo ezi. Kwongerra hali ezi, haroho na vidiyo zindi ezitekaniziibwe kutukonyera kusoborra amasomo agali omu Bikwato Byaitu Ebitukozesa Kwegesa.

Haroho isomo erigumiire omwegi wawe kwetegereza? Rundi omwegi wawe aine ekizibu ekyarukurabamu? Rora vidiyo eziri ha jw.org® rundi JW Broadcasting® oserremu vidiyo ey’esobora kumukonyera. Nosobora kugirora n’omwegi wawe kandi hanyuma mukagibazaaho.

Buli kwezi vidiyo empyaka ziturukibwa. Obworaaba nozirora, tekerezaaho nk’oku osobora kuzikozesa kwegesa abandi.