HABWAKI KIKURU: Abantu baingi abafiire amaiso tibagonza kubaza n’abantu abahyaka ha murundi gw’okubanza. Nahabweki nikyetagisa obukugu bw’amaani kusobora kutebeza abantu nk’abo. Yahwe agonza kandi afaaho abafu b’amaiso. (Lev 19:14) Nitusobora kuhondera ekyokurorraho kye kakuba tukora kyona ekiturukusobora kubakonyera kukurakurana omu by’omwoyo.

OMULINGO GWOKUKIKORAMU:

• ‘Serra’ abafu b’amaiso. (Mat 10:11) Omanyire eka enyakurumu omuntu anyakufiire amaiso? Ekiikaro ekimutebezaamu harumu isomero, ekiikaro nambere balindira abafu b’amaiso rundi ebiikaro ebindi abaakugondeze ebitabu ebitekaniziibwe kubakonyera abafu b’amaiso?

• Yoleka ngu n’obafaaho muno. Obworayoleka ngu oli munywani wabo kandi okabafaaho, nikiija kubaletera kuhurra batekaine. Lengaho kubazaaho ebintu abantu ab’omu kiikaro eki ebibarukukira kugonza

• Bakonyere omu by’omwoyo. Ekitebe kiturukize ebitabu eby’emiringo erukwahukana kusobora kukonyera abo abafiire amaiso rundi abatarukurora kurungi. Mukaguze omulingo arukugonza kumwegesaamu. Omuroleerezi w’obuheereza asemeriire kukigumya ngu arukukora ha bitabu yasaba ebitabu abafu b’amaiso ebibasabire, n’omulingo barukubyetagamu