Buli mwaka, omu mulingo gw’embaganiza tutekamu amaani kuraliza abantu ab’omu kiikaro ekitutebezaamu kwija kutweteranizaaho ha mukoro gw’Ekiijukyo. Abarukira obwingi tuba tutabamanyire. Baitu tusemeriire n’okweta abantu abaturukumanya. Abantu obubatunga kaadi y’okubaraliza kuruga ha muntu oubamanyire bakira kwija. (yb08-E 11 ¶3; 14 ¶1) Bantu ki ab’osobora kuraaliza?

• Abanyabuzaale

• Ab’okora nabo rundi ab’osoma nabo

• Abataahi

• Abantu ab’otaaha n’ogarukira, abeegi baawe abaakara hamu n’aborukwegesa kasumi kanu

Kwongera hali eki, abagurusi nibaija kuraliza abo abafukire omu by’omwoyo. Kakuba omuntu ow’omanyire aba naikara omu kiikaro ekindi? N’osobora kuserra obwire hamu n’ekiikaro nambere omukoro gw’Ekijukyo guraaba omu kiikaro nambere ali. Kandi binu n’osobora kubisanga ha mukura gwaitu ogwa jw.org nambere hali EBIRUKUTUKWATAHO hanyuma okomemu “Ekiijukyo.” Obw’oraaba n’oyetekaniriza Ekiijukyo ky’omwaka gunu, tekerezaaho abo ab’osobora kuraliza, kandi obaralize.