Ebirengo nibisobora kutumara amaani kakuba biikaraho muno. Daudi akaba akimanyire ngu ekirengo kye ekiine akakwate n’Omukama Saulo nikiija kuhika kihweho kandi afooke Omukama nk’oku Yahwe akaba amuraganiize. (1Sam 16:13) Okwikiriza kwa Daudi kukamukonyera kuba n’okugumiisiriza hamu n’okulindirra Yahwe.

Obuturukuba nitulengwa, nitusobora kukozesa okwekenga, amagezi, n’obusobozi bwaitu obw’okutekereza kuhindura enyikara eiturukuba turumu. (1Sam 21:12-14; Nfu 1:4) Baitu nabwo, emitalibaine endi niija kwikaraho n’obuturaaba tukozere kyona ekirukusoboka kugimaraho nitusigikirra ha misingi ya Baibuli. Omu nyikara nk’ezi, tusemeriire kukurakuraniza okugumiisiriza kandi tulindirre Yahwe. Omu kasumi katali ka hara, naija kumaraho okubonabona kwona kandi “alisusura amaizi gona” ha maiso gaitu. (Kus 21:4) Katube tutungire obukonyezi kuruga hali Yahwe rundi kuruga handi, nitukigumiza kimu ngu ebirengo bibaho baitu bihika bihwaho. Ekintu kinu mali nikisobora kutuhuumuza.

MUROLE VIDIYO ABANTU ABALI OMU BUMU OMU NSI ENYAKWEBAGANIZEEMU, HANYUMA MUGARUKEMU EBIKAGUZO BINU:

• Abakristaayo abamu omu masirimuka ga United States bakahikwaho birengo ki?

• Bakooleka bata okugumiisiriza n’okugonza?

• Bakaikara bata nibateeka omutima ha “bintu ebirukukira obukuru”?​—Baf 1:10, “NWT.”