Omunywani nuwe omuntu ow’arukugonza mutaahi we kandi akamutamu ekitiinisa. Nk’ekyokurorraho, Yonasani na Daudi bakafooka banywani nfe na nfe hanyuma ya Daudi kwita Goliasi. (1Sam 18:1) Buli omu akooleka emiringo eyasikiriize mutaahi we. Nahabweki, obunywani obugumire busigikirra ha kumanya kurungi omuntu. Kumanya kurungi omuntu kitwara akasumi kandi kyetaagisa kutamu amaani. Baitu, ha mikura y’okubalizaaho, abantu nibasobora kufooka “banywani” kurabira omu kumiga ipeesa ly’ekyoma kyakalimagezi. Habwokuba ha mikura y’okubalizaaho abantu nibasobora kuteekaniza kara ebibaraabaza, kandi begendereza muno, nikyanguha kusereka kiki kyonyini ekibali. Nahabweki, n’obwegendereza kirungi kutekerezaaho abantu ab’orafoora banywani baawe. Otatiina kwangirra abantu ab’otamanyire kurungi abarukugonza kufooka banywani baawe ngu habwokuba torukugonza kubasaaliza. Abamu bacwiremu kutakozesa emikura y’okubalizaaho yoona habw’ebizibu ebisobora kurugamu. Baitu kakuba ocwamu kugikozesa, kiki eky’osemeriire kwijuka?

MUROLE VIDIYO KOZESA EMIKURA EY’OKUBALIZAAHO OMU MULINGO GW’AMAGEZI, HANYUMA MUGARUKEMU EBIKAGUZO BINU:

• Bintu ki eby’osemeriire kutekerezaaho otakasindikire obutumwa rundi ebisisani ha mikura y’okubalizaaho?

• Habwaki osemeriire kukomamu abanywani n’obwegendereza ha mikura y’okubalizaaho?

• Habwaki osemeriire kweteraho obugarukiro obukirukuhika ha bwire obw’omarra ha mikura y’okubalizaaho?​—Bef 5:15, 16