Daudi akasingura Goliasi habwokuba akesiga Yahwe. (1Sam 17:45) Yahwe n’agonza kwoleka amaani ge habw’abaheereza be abesigwa. (2Byom 16:9) Nitusobora tuta kwesiga obukonyezi Yahwe obw’atuha omu kiikaro ky’okusigikirra ha busobozi bwaitu n’obwire tumazire nitumuheereza? Haroho emiringo esatu eitusobora kukikoramu:

• Saba butoosa. Otagarukira ha kusaba Yahwe ekiganyiro hanyuma y’okukora ensobi kwonka baitu musabe akuhe amaani ag’okwanga kukora ekibi obworukuba n’oyohebwa. (Mat 6:12, 13) Ekindi, otaragukira ha kusaba Yahwe ahe omugisa encwamu ez’omazire kukora, baitu musabe oburagirizi n’amagezi otakazikozere.​—Yak 1:5

• Ba n’entekaniza ey’okwesomesa Baibuli butoosa. Soma Baibuli buli kiro. (Zab 1:2) Wecumiitirizeeho ebyokurorraho by’omu Baibuli kandi oteeke omu nkora eby’oyegere. (Yak 1:23-25) Wetekanirize obuheereza omu kiikaro ky’okwesiga eby’otaaha omanyire. Weyongere kugasirwa omu nsorrokano kuraba omu kuzetekaniriza kurungi

• Korra hamu n’ekitebe kya Yahwe. Manya oburagirizi obuhyaka obutairweho ekitebe kya Yahwe kandi obuhondere aho naaho. (Kubar 9:17) Huliiriza abagurusi obubakuha obuhabuzi n’oburagirizi.​—Baheb 13:17

MUROLE VIDIYO BUSAHO EKISOBORA KUTULETERA KUTIINA OKUHIIGANIZIBWA, HANYUMA MUGARUKEMU EBIKAGUZO BINU:

• Ab’oruganda na banyaanya itwe bakahikwaho okutiina kwa mulingo ki?

• Kiki ekyabakonyire kugumira okutiina okubaali baine?