Apuli 29–Maayi 5
ZABULI 34-35
Ekizina 10 Hamu n’Okusaba | Okwanjura (Dak. 1)
1. ‘Kugiza Yahwe Obwire Bwona’
(Dak. 10)
Daudi akakugiza Yahwe n’obukiraaba ngu akaba naraba omu birengo (Zab 34:1; w07-E 3/1 22 ¶11)
Daudi akenyumiriza omuli Yahwe, hatali omuli we wenka (Zab 34:2-4; w07-E 3/1 22 ¶13)
Ebigambo bya Daudi eby’okukugiza Yahwe bikagumya banywani be (Zab 34:5; w07-E 3/1 23 ¶15)
Hanyuma ya Daudi kuruga hali Abimereki, abaisaija 400 bakamweteranizaaho habwokuba bakaba batungire obutetegerezangana n’Omukama Saulo. (1Sam 22:1, 2) Daudi n’asobora kuba akaba nateekerezaaho abasaija banu nambere yahandiikiire zabuli enu.—Zab 34, obugambo obwa haiguru y’esuura.
WEKAGUZE, ‘Ninsobora nta kukugiza Yahwe obundaaba nimbaza n’omuntu ha rusorrokano rw’ekitebe orurahonderaho?’
2. Eby’Omuhendo Kuruga Omu Baibuli
(Dak. 10)
-
Zab 35:19—Daudi akaba namanyisa ki obuyasabire Ruhanga ngu ataleka abanyanzigwa be “okuzibiriza ekikohi”? (w06-E 5/15 20 ¶2)
-
Bintu ki eby’oyegere omu kusoma Baibuli okwa wiiki enu ebiwakugondeze kugambiraho abandi?
3. Okusoma Baibuli
(Dak. 4) Zab 34:1-22 (th isomo 5)
4. Kutandika Kubaza n’Omuntu
(Dak. 2) OKUTEBEZA OKW’AHONAAHO. Omalirra kubaza n’omuntu otakamutebiize. (lmd isomo 1 akacweka 4)
5. Kugarukira Omuntu ow’Otebiize
(Dak. 4) OKUTEBEZA OKW’AHONAAHO. (lmd isomo 2 akacweka 4)
6. Soborra Enyikiriza Zaawe
(Dak. 5) Ekyokurorraho. ijwfq 59—Omutwe: Abakaiso ba Yahwe Bamanya Bata, Ekiro Kikuru Obukiraaba Kisemeriire Kujaguzibwa? (th isomo 17)
Ekizina 59
7. Emiringo Esatu Eitusobora Kukugizaamu Yahwe omu Nsorrokano
(Dak. 15) Kuleeta hamu ebitekerezo.
Ensorrokano ez’ekitebe zituha omugisa ogw’amaani ogw’okukugiza Yahwe. Rora emiringo esatu eitusobora kukikoramu.
Kubaza hamu: Bazaaho ebintu ebirungi Yahwe ebyakukoliire obworukuba n’obaza n’abantu abandi. (Zab 145:1, 7) Haroho ensonga ey’ohuliire rundi ey’osomere ey’ekugasiire? Haroho ekintu ekirungi ekikusemiize omu buheereza? Haroho omuntu ow’akubaliize ebigambo rundi yakora ebintu ebikugarwiremu amaani? Haroho omulingo omurungi ogw’orozere omu byahangirwe? Binu byona biri bisembo kuruga hali Yahwe. (Yak 1:17) Genda kara ha Kyombeko ky’Obukama nukwo osobole kutunga obwire obw’okubaza n’abantu abandi.
Eby’okugarukamu: Lengaho kuha eky’okugarukamu kimu omu buli rusorrokano. (Zab 26:12) Nosobora kuhayo eky’okugarukamu ekirukuhikira ha nsonga, rundi kubazaaho ensonga endi, ekyahandiikirwe, ekisisani, rundi omulingo tusobora kuteeka omu nkora amagezi agali omu kicweka ekirukubazibwaho. Kirungi oteekanize eby’okugarukamu bingi habwokuba abandi nabo nibasobora kwimukya emikono obworaimukya. Baingi nibaija kusobora “[kuhonga] hali Ruhanga obutosa ekyonzira ekyokusiima” kakuba eby’okugarukamu byaitu bimara obutikitiki 30 n’obutahika.—Baheb 13:15.
Ebizina: Zina ebizina eby’Obukama n’omuhimbo omwingi. (Zab 147:1) Nibasobora kutakukoma kuhayo eky’okugarukamu omu buli rusorrokano kukira muno omu kitebe ekirumu abantu baingi, baitu n’osobora kweteranizaaho abandi omu kuzina ebizina. N’obukiraaba ngu noyehurra tomanyire kuzina, obwokora kyona ekirukusoboka, kisemeza muno Yahwe! (2Kol 8:12) N’osobora kuteekaniza obu n’orabamu kara ebizina omu ka.
Murole VIDIYO Ebyafaayo by’Ekitebe Kyaitu—Ekisembo ky’Ebizina, Ekicweka 1. Hanyuma okaguze abarukuhuliiriza:
Ekitebe kyaitu obukyali nikitandika, tukooleka tuta ngu kikuru kuzinira Yahwe ebizina eby’okumukugiza?
8. Okwega Baibuli nk’Ekitebe
(Dak. 30) lfb isomo 38
