Obuturukuba nitugarukira abantu twatebiize rundi nitwegesa Baibuli, tusemeriire kubakonyera kwetegereza ensonga enkuru. Obutukozesa ebyokurorraho kusoborra ensonga enkuru, nikisobora kukwataho enyehurra yabo, tubahike ha mutima kandi tubakonyere kwijuka ensonga enkuru.

Obworaaba n’oyetekaniza kugarukira omuntu rundi kwegesa Baibuli, komamu ensonga enkuru ez’orukugonza kumusoborra hatali ensonga ezitali nkuru muno. Hanyuma, komamu ebyokurorraho ebirukubazaaho ebintu ebya buli kiro. (Mat 5:14-16; Mar 2:21; Luk 14:7-11) Lengaho muno kutekerezaaho enyikara ow’orukutebeza eziyakuliiremu hamu n’ebintu eby’akora. (Luk 5:2-11; Yoh 4:7-15) Obworarora asemeriirwe habwokuba ayetegeriize ensonga, naiwe noija kusemererwa.

MUROLE VIDIYO TUNGA OKUSEMERERWA OKURUGA OMU KUFOORA ABANTU ABEGESWA​—WEYONGERE KUBA MUKUGU​—KOZESA EBYOKURORRAHO KUSOBORRA ENSONGA ENKURU, HANYUMA MUGARUKEMU EBIKAGUZO BINU:

• Habwaki kisobora kutwetaagisa kukonyera abeegi kwetegereza enkarra za Baibuli?

• Neeta akozeseze ata ekyokurorraho kusoborra Abarumi 5:12?

• Ebyokurorraho ebirungi nibisobora bita kukwataho abarukutuhuliiriza?

• Obuturukuba tuli omu buheereza, habwaki tusemeriire kukozesa vidiyo hamu n’ebikwato ebindi ekitebe kya Yahwe kituhaire?