Okuhana nikimanyisa kuha oburagirizi hamu n’okwegesa. Baitu kandi nikitwarramu kuhabura hamu n’okufubira. Yahwe atuhana nukwo tumuramye omu mulingo oguhikire. (Bar 12:1; Baheb 12:10, 11) Obwire obumu okuhana nikusobora kutusaaliza, baitu kuleeta okuhikirra hamu n’emigisa. (Nfu 10:7) Abo abarukuhana hamu naabo abarukuhanwa, basemeriire kwikara nibaijuka ki?

Ow’arukuhana. Abagurusi, abazaire, hamu n’abandi balengaho kuhana omu mulingo ogw’embabazi n’okugonza nka Yahwe. (Yer 46:28) Kandi okuhana okw’amaani nakwo kusemeriire kuheebwa nk’oku kirukwetaagisa baitu omu mulingo ogw’okugonza.​—Tit 1:13.

Ow’arukuhanwa. Okuhanwa n’obukuraaba kuli kwa mulingo ki, titusemeriire kukwanga baitu tukuhondere aho naaho. (Nfu 3:11, 12) Nk’abantu abatahikiriire, itwena nitwetaaga kuhanwa okututungira omu miringo ey’erukwahukana. Nitusobora kuhanwa kurabira omu biturukusoma omu Baibuli rundi ebituhurra omu nsorrokano. Rundi obwire obumu abamu kibetaagisa kuhanwa akatebe akarukucwa emisango. Obuturaikiriza kuhanwa, nitwija kuba n’obwomeezi oburungi hati kandi twomeere ebiro byona.​—Nfu 10:17.

MUROLE VIDIYO “ABO YAHWE ABAGONZA NUBO AHANA,” HANYUMA MUGARUKEMU EBIKAGUZO BINU:

• Obwomeezi bwa Canon bukatandika buta kandi bukahinduka buta?

• Kuhanwa ki kuruga hali Yahwe okuyahairwe omu mulingo ogw’okugonza?

• Masomo ki agaturukwegera ha ky’okurorraho kye?