Obutuliyo nitugumira ebiro binu eby’okumalirra eby’ebiro ebya ha mpero nitunihira kuhikwaho ebizibu bingi kandi eby’amaani. (2Tim 3:1; nwtsty-E obugambo oburukusoborra Mat 24:8) Obuhabaho ekigwererezi, abantu ba Yahwe bakira kutunga oburagirizi obwizira omu bwire kandi obubakonyera kujuna obwomeezi. Kusobora kukiza obwomeezi bwaitu omu kasumu ako nikisobora kusigikirra ha mulingo twetekanizeemu kasumi kanu, omu by’omwoyo hamu n’omu by’omubiri.​—Luk 16:10.

• Wetekanize omu by’omwoyo: Ba n’entekaniza enungi. Wejumbire omu miringo ey’okutebeza ey’erukwahukana. Otatiina kakuba oyahukanizibwa h’ab’oruganda na banyaanya habw’akacu kake. (Is 30:15) Yahwe na Yesu ubo baikara naiwe obwire bwona.​—od-E 176 ¶15-17

• Wetekanize omu by’omubiri: Oihireho kuba n’ensaho, buli ka esemeriire kwikara eyahwire eby’okulya ha rubaju, amaizi, emibazi, n’ebindi kakuba kyetagisa kwikara omu kiikaro kimu kumara akasumi akaraihire.​—Nfu 22:3; g17.5-E 4, 6

MUROLE VIDIYO OYETEKANIRIIZE EKIGWEREREZI HANYUMA OKAGUZE EBIKAGUZO BINU:

• Nitusobora tuta kwetekaniza omu by’omwoyo ekigwererezi kitakabaireho?

• Habwaki tusemeriire . . .

  • kwikara nitubaza n’abagurusi b’ekitebe?

  • kutekaniza ensaho enyakurumu ebintu ebiratukonyera kakuba habaho ekigwererezi?

  • kubazaaho ebigwererezi ebirukwahukana ebisobora kubaho kandi n’ebitusobora kukora omu buli nyikara?

• Miringo ki esatu eitusobora kukonyeramu abandi obubarukuba bahikirweho ebigwererezi?

WEKAGUZE, ‘Oburwaire bwa COVID-19 bunyegeseze masomo ki obukirukuhika ha kwetekaniriza ebigwererezi?’