Nk’abantu abatahikiriire, tusemeriire kwikara nitukora kyona ekirukusoboka kulema okwegomba kwaitu. Kakuba twikiriza okwegomba kwaitu kutulema nitusobora kusiisa enkoragana yaitu na Yahwe. Ekyokurorraho, abamu baikiriza okwegomba kw’ebyokulya, eby’okujwara n’oburaaro kubakirra okugonza okubainiire Ruhanga. Abandi bacwa ebiragiro bya Ruhanga nukwo bahikirize okwegomba kwabo okw’okuterana. (Bar 1:26, 27) Kandi abandi baikiriza kusindikirizibwa kukora ekibi habw’okugonza kuba n’enkoragana enungi n’abantu abandi.​—Kurug 23:2.

Nitusobora tuta kulema okwegomba kwaitu? Tusemeriire kuteeka omutima ha bintu eby’omwoyo. (Mat 4:4) Ekindi, tusemeriire kwesengereza Yahwe kutukonyera nukwo tusobole kulema enyehurra zaitu. Habwaki? Habwokuba namanya ekirukukirayo oburungi hali itwe, kandi namanya n’okuhikiriza okwegomba kwaitu okurungi.​—Zab 145:16.

MUROLE VIDIYO OTAIKIRIZA ETAABA KUHWEREKEREZA OBWOMEEZI BWAWE, HANYUMA MUGARUKEMU EBIKAGUZO BINU:

• Habwaki abantu abamu banywa etaaba?

• Okunywa etaaba nikusobora kurugamu kabi ki?

• Habwaki okunywa etaaba kibi?​—2Kol 7:1

• Nosobora ota kwetantara kunywa etaaba rundi kugireka?