Yesu obw’akaba ali omu buheereza, yakozesaaga ebintu ebirukugenda omu maiso kwegesa abantu amasomo. (Luk 13:1-5) Naiwe n’osobora kukozesa ebintu ebirukugenda mu maiso omu kiikaro kyanyu kuleetera abantu kugonza kuhuliiriza obutumwa oburukukwata ha Bukama. Hanyuma y’okubazaaho emihendo y’ebintu kutemba, ekigwererezi, obutabanguko, kukozesa ebitokooza bwongo rundi ekintu ekindi, kaguza ekikaguzo ekiraaletera omuntu kuteekereza. N’osobora kumukaguza oti: “N’otekereza ebizibu nka . . .  birihwaho?” rundi “N’otekereza kiki ekiramaraho . . . ?” Hanyuma osome orukarra kuruga omu Baibuli orurukwizirra ha kikaguzo omukagwize. Kakuba omuntu agonza kumanya ebirukukiraho, mwanjurre vidiyo rundi ekitabu kuruga omu Bikwato Byaitu Ebitukozesa Kwegesa. Obuturaaba nitwekamba kuhika ha mitima y’abantu ab’omu kiikaro kyaitu, leka ‘byona tubikole habw’enjiri.’​—1Kol 9:22, 23.

Bintu ki ebisobora kukwataho abantu ob’omu kiikaro kyanyu?