‘Yahwe asemerererwa abantu be.’ (Zab 149:4) N’obukiraaba ngu tituhikiriire, arora emiringo yaitu enungi n’ebitusobora kukora. Baitu, obwire obumu nikisobora kutugumira kurora emiringo enungi eitwine. Nitusobora kwehurra nk’abataine mugaso habw’omulingo abandi batutwazaamu. Rundi, kakuba tuteeka omutima ha nsobi twakozere kara nitusobora kugurukyagurukya Yahwe obwaraaba mali n’atugonza. Kiki ekisobora kutukonyera obutwehurra tuti?

Ijuka ngu Yahwe arora abantu ekibatasobora kurora. (1Sam 16:7) Eki nikimanyisa ngu aturoramu n’ebintu ebitutasobora kweroramu. Ekirungi kiri ngu Baibuli etukonyera kumanya omulingo Yahwe aturoramu. Eki nitusobora kukimanya kakuba tusoma enkarra za Baibuli ezirukwoleka omulingo Yahwe agonzaamu abaheereza be.

MUROLE VIDIYO KIGUMYE NGU YAHWE NAKYAKUGONZA, HANYUMA MUGARUKEMU EBIKAGUZO BINU:

• Ekyokurorraho ky’omwiruki na ise nikitwegesa ki ha mulingo Yahwe aturoramu?

  Your answer

• Kakuba omuntu akora ekibi eky’amaani kandi akekamba kugarraho enkoragana ye na Yahwe, n’asobora ata kukigumya ngu Yahwe n’akyamugonza?—1Yoh 3:19, 20

  Your answer

• Ow’oruganda akagasirwa ata obuyasomere kandi yayecumiitirizaaho ebyahandiikirwe ebirukukwataho Daudi na Yehosafati?

  Your answer