Yahwe atwara okurahira abaswerangaine okubakora kuba kukuru muno. Akagamba ngu omusaija n’omukazi basemeriire kwikara hamu. (Mat 19:5, 6) Omu bantu ba Yahwe harumu abaswerangaine baingi abaine okusemererwa. Baitu, busaho obuswere obuhikiriire. Ebizibu bibaho. Titusemeriire kuba n’entekereza ey’ekanyire erukugamba ngu kwahukana hamu n’okugaitururwa nikyo kimaraho ebizibu omu buswere. Abakristaayo abali omu buswere nibasobora bata kulinda obuswere bwabo?

Wetegereze ebintu binu bitaano.

1. Linda omutima gwawe kurabira omu kwetantara ebintu ebirakyekya obuswere bwanyu, nk’okwoleka engonzi ezihinguraine omuntu ow’otali na uwe omu buswere kandi oumurukwahukana omu buhangwa hamu n’ebyokwesemeza eby’orwanju.​—Mat 5:28; 2Pet 2:14.

2. Gumya enkoragana yawe na Ruhanga, kandi oyongere ha bwekambi bwawe obw’okugonza kumuheereza omu buswere bwawe.​—Zab 97:10.

3. Ikara n’ojwara omuntu omuhyaka, kandi okole n’obuntu oburukuzooka nk’obutaito oburayorobya obwomeezi bw’ogu ow’oli nauwe omu buswere.​—Bak 3:8-10, 12-14.

4. Ikara n’obaza n’owoli nauwe omu buswere omu mulingo omurungi kandi ogw’ekitiinisa.​—Bak 4:6.

5. Okuterana kubemu engonzi.​—1Kol 7:3, 4; 10:24.

Abakristaayo obubatekamu obuswere ekitiinisa baba nibakitekamu Yahwe ay’atandikisizeeho entekaniza enu.

MUROLE VIDIYO TUSEMERIIRE “KWIRUKA N’OKUGUMIISIRIZA”​—HONDERA EBIRAGIRO BY’AKALITANGO, HANYUMA MUGARUKEMU EBIKAGUZO BINU:

• N’obukiraaba ngu obuswere bukira kutandika kurungi, bizibu ki ebisobora kubamu?

• Emisingi ya Baibuli n’esobora eta kukonyera abo abarukuhurra ngu bali omu buswere obutarumu okugonza?

• Yahwe ataireho biragiro ki ebirukukwata ha buswere?

• Kurora obuswere bwahangaara, omusaija n’omukazi basemeriire kukora ki?