5:5-7, 11

Omu Isaleri, omuntu kuba munaku tikyamutangaga kugarraho enkoragana ye na Yahwe. Abanyaisaleri abanaku muno nabo bakaba nibasobora kuhayo ekihongwa ekirukusiimwa omu maiso ga Yahwe, obukyabaga kiri ekirukukirrayo kimu oburungi. Bakaba nibasobora kuhayo ensaano, baitu nabwo Yahwe yagonzaaga balete “enungi,” nkegi eyakozesebwaga omu kukunira abagenyi ab’ekitiinisa. (Kub 18:6) Kasumi kanu, Yahwe aikiriza “ekyonzira eky’okukugiza” ekiirukukirrayo kimu oburungi ekitumuha, n’obukiraaba ngu enyikara zaitu nizisobora kutulemesa kumuheereza nk’okutwakugondeze.​—Baheb 13:15, NW.

Kinu nikisobora kita kukugarramu amaani kakuba oba otakyasobora kukora ebintu nk’ebiwakoraga kara, habw’oburwaire rundi habw’obuceke?