Banyaanya itwe basagika muno omulimo gw’Obukama. (Zab 68:11) Beegesa abeegi ba Baibuli baingi muno, kandi nubo barukukira obwingi omu ba payoniya ab’akasumi koona. Enkumi n’enkumi za banyaanya itwe abarukukora n’amaani nibaheereza nk’Ababeseeri, nk’abamiisani, nk’abombeki, hamu n’abahinduzi b’ebitabu. Banyaanya itwe abakuzire omu by’omwoyo bagumya amaka hamu n’ebitebe. (Nfu 14:1) N’obukiraaba ngu banyaanya itwe tibasobora kuheereza nk’abagurusi rundi abaheereza, nibasobora kweteraho ebigendererwa omu kitebe. Obworaaba oli munyaanya itwe, bigendererwa ki eby’osobora kweteraho?

• Kurakuraniza emiringo enungi ey’Ekikristaayo.​—1Tim 3:11; 1Pet 3:3-6

• Konyera banyaanya itwe omu kitebe abamanyire bike.​—Tit 2:3-5

• Weyongere kusemezaamu obuheereza bwawe kandi oyongere ha bwire obwomara omu kutebeza

• Yega orulimi orundi

• Genda omu kiikaro nambere hali obwetaago bw’amaani

• Saba kuheereza ha Beseeri rundi kukonyera omu kwombeka ebyombeko by’ekitebe

• Saba kugenda omu Isomero ly’Abatebezi b’Obukama

MUROLE VIDIYO “ABAKAZI ABARUKUKORA N’AMAANI OMU MUKAMA WAITU” HANYUMA MUGARUKEMU EKIKAGUZO KINU:

• Ebigambo bya buli omu ha banyaanya itwe bikugarwiremu bita amaani?