Yesu akooleka ngu obutugaba kiretera n’abandi kugonza kugaba. (Luk 6:38) Obworaikara n’ogaba nikiija kwekambisa ab’oruganda na banyaanya itwe nabo kuba bagabi n’okwoleka abandi embabazi.

Kugaba twegondiize kiri kicweka ky’okuramya kwaitu. Yahwe arora abo abakonyera kandi bakagabira Abakristaayo bagenzi baabo abali omu bwetaago kandi n’araganiza kubaha empeera.​—Nfu 19:17.

MUROLE VIDIYO NITUSIIMA MUNO HABW’OKWIKARA NIMUGABA, HANYUMA MUGARUKEMU EBIKAGUZO BINU:

• Ebituhayo bikozesebwa bita kusagika ab’oruganda na banyaanya itwe?

• Habwaki tusemeriire kwikara nitugaba n’obukiraaba ngu ebisembo byaitu bitaito rundi bikooto?​—Rora ekicweka “Surplus Offsets a Deficiency” ekiri ha jw.org.