OBWOMEEZI BWAITU NK’ABAKRISTAAYO
Engonzi Zooleka Abakristaayo ab’Amananu—Wetantale Kwegonza Wenka n’Okubiihirwa
HABWAKI KIKURU: Yesu akegesa ngu abantu bakumanyiriire abegeswa be habw’okwolekangana okugonza. (Yoh 13:34, 35) Kusobora kwoleka okugonza nk’okwa Kristo, tusemeriire kufaaho ebyetaago eby’abandi kandi n’okwetantara kubiihirwa.—1Kol 13:5.
OMULINGO OGW’OKUKIKORAMU:
-
Omuntu obwagamba rundi obwakora ekintu ekirukusaaliza, banza oculeere otekerezeeho ekisobora kuba kiresere ekizibu eki kandi n’ekisobora kurugamu kakuba oyetwaza kubi habw’ekiniga.—Nfu 19:11
-
Ijuka ngu itwena tuli bantu abatahikiriire, kandi obwire obumu tubaza rundi tukora ebintu ebituhika tukeijukya
-
Maraho omu bwangu obutetegerezangana
MUROLE VIDIYO “MUGONZANGANEGE”—WETANTALE KWEGONZA WENKA N’OKUBIIHIRWA, HANYUMA MUGARUKEMU EBIKAGUZO BINU:
-
Larry aketwaza ata Tom obuyamugambiire entekereza ye?
-
Tom kubanza kuculeeramu kake kikamukonyera kita kwetantara kubiihirwa?
-
Tom kugarukamu omu mulingo ogw’obuculeezi kikakonyera kita kuliinda obusinge?
Ekitebe kigasirwa kita obutwetantara kubiihirwa n’obutuba twendereziibwe?
