Ogonza kuba n’omunywani anyakwine miringo ki? Osobora kuba n’ogonza omunywani omwesigwa, ow’embabazi kandi omugabi. Yahwe aine emiringo enu yoona. (Kurug 34:6; Eng 14:17) Ahurra esaara zaitu obutumusaba. Akukonyera obw’oba n’oyetaaga obukonyezi. (Zab 18:19, 35) Akuganyira ensobi zaawe. (1Yoh 1:9) Mali Yahwe ka Munywani omurungi!

N’osobora ota kuba munywani wa Yahwe? Manya ebirukumukwataho kurabira omu kusoma Ekigambo kye. Omwesige. (Zab 62:8; 142:2) Yoleka ngu n’oyebembeza ebintu ebikuru hali Yahwe, ekyokurorraho Omwana we, Obukama bwe hamu n’emirago ye ey’obusumi obw’omu maiso. Ngambiraho abantu abandi ebirukumukwataho. (Bir 32:3) Kakuba okurakuraniza enkoragana yaawe na Yahwe, naija kuba munywani wawe ebiro n’ebiro.​—Zab 73:25, 26, 28.

MUROLE VIDIYO ENSINGAANTO​—“MUROZE, MUMANYE YAHWE NK’OKU ALI MURUNGI,” HANYUMA MUGARUKEMU EBIKAGUZO BINU:

• N’osobora ota kwetekaniriza kwehayo n’okubatizibwa?

• Abandi omu kitebe nibasobora bata kukukonyera kwikara n’oheeraza Yahwe?

• Kuba omu buheereza kigumya kita enkoragana yaawe na Yahwe?

• Bujunanizibwa ki obw’osobora kutunga omu kuheereza Yahwe?

• Bintu ki ebirukukuletera kugonza Yahwe?