Abakaiso ba Yahwe baine omugisa ogw’embaganiza. Nk’Abakristaayo abaayehaireyo baabatizibwa, twikara nitukurakuraniza enkoragana yaitu na Yahwe, Mukama Ruhanga ow’Obusobozi Bwona. Atwiriize haihi na uwe kurabira omu Mwana we. (Yoh 6:44) Ahurra esaara zaitu.​—Zab 34:15.

Nitusobora tuta kulinda enkoragana yaitu ey’omuhendo na Ruhanga? Eky’okubanza, tusemeriire kwetantara kukora ebintu ebibi nk’eby’Abaisaleri bakozere. Hanyuma y’akacu kake bamazire kukora endagaano ey’okuba n’enkoragana na Yahwe, bakakora ekisisani eky’enyana y’ezaabu kandi bafooka abarukuramya ebisisani. (Kurug 32:7, 8; 1Kol 10:7, 11, 14) Nitusobora kwekaguza: ‘Nyetwaza nta obunyohebwa kukora ekintu ekibi? Ebikorwa byange byoleka ngu nintwara enkoragana yange na Yahwe kuba y’omuhendo?’ Okugonza okw’amaani okutwiniire Yahwe nikwija kutukonyera kwiruka ebintu eby’anoba.​—Zab 97:10.

MUROLE VIDIYO LINDA ENKORAGANA YAAWE NA YAHWE (BAK 3:5), HANYUMA MUGARUKEMU EBIKAGUZO BINU:

• Habwaki tusemeriire kwetantara kwegomba?

• Habwaki tusemeriire kwanga omururu hamu n’okuramya ebisisani?

• Kakwate ki akali hagati y’obusiihani n’okuramya ebisisani?

• Habwaki abo abaine obujunazibwa omu kitebe basemeriire kukitwara nk’ekikuru kufaaho eby’etaago by’abo abali nabo omu buswere?