HABWAKI KIKURU: Obutwija omu nso’rokano tutunga omugisa ‘ogw’okuzinira Yahwe’ hamu ‘n’okumukugiza.’ (Zab 149:1) Obutuba tuli omu nso’rokano twegesebwa Ruhanga eby’agonza. (Zab 143:10) Abasiima amananu hamu n’abeegi ba Baibuli bakukurakurana bwangu obu baija omu nso’rokano.

OMULINGO GW’OKUKIKORAMU:

• Obworaaba n’obaza n’omuntu omurundi gw’okubanza muraalize kwija omu nso’rokano n’obwaraaba atakafookere mwegi wa Baibuli.—Kus 22:17

• Musobororre ebintu ebikorwa omu nso’rokano hamu n’ebiturayega omu ruso’rokano orukwongeraho. N’osobora kukozesa binu kuraaliza omuntu: Kaadi ey’okuraaliza abantu kwija omu nso’rokano, vidiyo erukwetwa Biki Ebikolebwa omu Kingdom Hall?, rundi isomo 5 hamu 7 eriri omu burocuwa Yahwe eby’Agonza

• Mukonyere obwaraaba n’agonza obukonyezi bwawe omu by’endubata rundi obworaaba n’agonza kumanya engoye ez’asemeriire kujwara. Mwikarre hamu obwaraija omu nso’rokano nukwo osobole kumukonyera n’ebitabu eby’okukozesa. Hanyuma y’enso’rokano, mwanjule nukwo ab’oruganda bamumanye