6:9-11, 25-27, 54, 66-69

Yesu obuyagambiire abahondezi be ekyokurorraho ekyabagumiire kwetegereza, abamu bakatabaijuka kandi baleka kumuhondera. Haali harabiro ekiro kimu kyonka hanyuma ya Yesu kukora eky’amahano eky’okubaliisa, kugumya ngu akaba atumirwe Ruhanga. Baitu habwaki batabaijukire? Nikizooka abantu banu bahonderaga Yesu habw’ebigendererwa by’abo bonka. Bahonderaga Yesu habwokuba baali baine ebi barukumwendaho.

Itwena tusemeriire kwekaguza: ‘Habwaki nimpondera Yesu? Emigisa ei nyine hati rundi ey’omu kasumi ak’omu maiso niyo endetera kumuhondera? Rundi habwokuba ningonza Yahwe kandi ningonza kukora eby’agonza?’

Habwaki nitusobora kutabaijuka omu by’omwoyo kakuba zinu nizo ensonga enkuru ezituleetera kuheereza Yahwe?

• Nitugonza kwikara n’abantu ba Yahwe

• Nitugonza kutunga omugisa ogw’okwikara omu rugonjo rwa Ruhanga