Omwiruki asemeriire kwikara n’atendeka omubiri gwe kusobora kwikara aine obukugu. Omulingo nugwo gumu, naitwe tusemeriire kwikara nitwekamba kutendeka obusobozi bwaitu obw’okwetegereza. (Baheb 5:14) N’obukiraaba ngu haroho obutusikiirizibwa kukora encwamu nk’ez’abandi bakozere, tusemeriire kwega kutekereza n’okwekorra encwamu. Habwaki? Habwokuba, buli omu hali itwe alyetonganaho habw’encwamu eziyayekoliire.​—Bar 14:12.

Titusemeriire kutekereza ngu nitwija kukora encwamu enungi habwokuba tumazire emyaka nyingi tubatiziibwe. Kusobora kukora encwamu enungi, tusemeriire kwesigira kimu Yahwe, Ekigambo kye, hamu n’ekitebe kye.​—Yos 1:7, 8; Nfu 3:5, 6; Mat 24:45.

MUROLE VIDIYO “IKARA OINE OMUNTU OW’OMUNDA OMURUNGI,” HANYMA MUGARUKEMU EBIKAGUZO BINU:

• Emma akaba aine kukora ncwamu ki?

• Habwaki tusemeriire kwetantara kuhayo entekereza zaitu obukirukuhika ha nsonga ezirukwetaagisa kukozesa omuntu ow’omunda?

• Buhabuzi ki obw’amagezi abaswerangaine obubaahaire Emma?

• Ninkaha nambere Emma yaihire obukonyezi oburukukwata ha nyikara ey’akaba arumu?