WEKAMBIRE OBUHEEREZA | YONGERA HA KUSEMERERWA KWAWE OMU BUHEEREZA
Kozesa Ebikwato Byaitu Kuseruliiriza
Yahwe atuha ebikwato ebitukonyera kutebeza kurungi nka vidiyo, turakiti, magaziini, burocuwa, ebitabu, hamu n’ekikwato kyaitu ekikuru Baibuli. (2Tim 3:16) Atuha n’ebikwato eby’okukozesa kuseruliiriza kandi ebitukonyera kusoborra ebyahandiikirwe. Binu nibitwarramu Watchtower Library, JW Library® app, Watchtower LAIBURALE EYA HA MUKURA™, hamu na Research Guide for Jehovah’s Witnesses.
Noija kutunga okusemererwa obworakozesa ebikwato byona ebikuhairwe kukukonyera kukora okuseruliiriza omu Baibuli. Tendeka abeegi baawe kukozesa ebikwato binu. Nabo nibaija kusemererwa obubaratunga eby’okugarukamu eby’ebikaguzo byabo ebirukukwata ha Baibuli.
MUROLE VIDIYO TUNGA OKUSEMERERWA OKURUGA OMU KUFOORA ABANTU ABEGESWA—IKIRIZA OBUKONYEZI BWA YAHWE—KOZESA EBIKWATO BYAITU KUSERULIIRIZA, HANYUMA MUGARUKEMU EBIKAGUZO BINU:
-
Jade akakaguza kikaguzo ki ekirukukwata ha byahangirwe?
-
Ninkaha nambere Neeta yaihire obukonyezi oburukukwata ha nsonga egi?
-
Kuzoora n’okugambiraho abantu ebitusomere omu Baibuli kituletera kusemererwa
Akakomamu ata ebintu ebikaba nibikwata ha kintu Jade yakagwize?
-
Kukozesa ebikwato byaitu ebitukozesa kuseruliiriza kikakwataho kita Neeta?
