Omu kwezi kwa Novemba, nitwija kutamu amaani ag’embaganiza kugambiraho abantu amakuru amarungi ngu ensi enungi iriire haihi. (Zab 37:10, 11; Kus 21:3-5) Kora entekaniza nukwo oyejumbire omu kampeini enu omu bwijwire. Kakuba osaba kuheereza nka payoniya omukonyezi omu kwezi oku, n’osobora kucwamu kuhayo esaaha 30- rundi 50.

Kora entekaniza ey’okusomera abantu baingi ekyahandiikirwe ekirukubazaaho ensi empyaka. Obworaaba n’okomamu ekyahandiikirwe, serra ekirakwataho abantu omu kiikaro ekyorukutebezaamu. Kakuba omuntu ayoleka ngu n’agonza kumanya ebirukukiraho ha murundi ogw’okubanza, muhe Omunaara gw’Omulinzi Na. 2 2021. Hanyuma okole entekaniza y’okugarukayo omu bwangu kandi olengeho kutandika kumwegesa Baibuli n’okozesa burocuwa Wegondeze Omu Bwomeezi Ebiro n’Ebiro! Mali twine okusemererwa kw’amaani okw’okwejumbira omu kugambiraho abantu “amakuru amarungi ag’ekintu ekirukukirayo oburungi”!​—Is 52:7, NW.

MUROLE VIDIYO EY’EKIZINA ENSI EMPYAKA ERUKWIJA, HANYUMA MUGARUKEMU EBIKAGUZO BINU:

• Omwisiki omuto n’atekerezaaho bwomeezi ki oburungi obw’omu kasumi ak’omu maiso?

• Bintu ki eby’olindiriire omu nsi empyaka?

• Kwecumiitirizaho okunihira kwawe nikisobora kita kukukonyera kwetekaniriza kampeini eya Novemba?​—Luk 6:45