Omu biro binu ebya ha mpero, obwomeezi bwijwire ebizibu bingi. Nk’oku tuliyo nitwirirra ha mpero ey’obusinge bunu, ebizibu nibiija kweyongera. Obwire obumu nitusobora kuburwa bimu ha byetaago byaitu. (Hab 3:16-18) Kiki ekiratukonyera kugumira ebizibu omu by’entahya? Tusemeriire kwikara nitwesiga Ruhanga waitu Yahwe. Araganiize kurolerra abaheereza be, kandi n’asobora kutuha ebiturukwetaaga omu nyikara yoona.​—Zab 37:18, 19; Baheb 13:5, 6.

Eky’osobora kukora:

• Wesengereze Yahwe akuhe obuhabuzi, amagezi n’obusagiki.​—Zab 62:8

• Ikara oyetegekere kwikiriza omulimo ogw’osobora kuba otakakorahoga.​—g-E 1/10 8-9, obusanduuko

• Ikara oine entekaniza enungi ey’eby’omwoyo, nk’okusoma Baibuli buli kiro, kugenda omu nsorrokano, n’okwejumbira omu buheereza

MUROLE VIDIYO YOMBEKA ENJU EY’ERAHANGAARA​—LEKA “EBIMUNYINABYO NIBYO BIBAMALE,” HANYUMA MUGARUKEMU EBIKAGUZO BINU:

• Amaka agamu gatungire bizibu ki?

• Kintu ki ekirukukirayo obukuru omu bwomeezi?

• Nitusobora tuta kukonyera abo abahikirweho ebizibu omu by’entahya?