OBWOMEEZI BWAITU NK’ABAKRISTAAYO
Abaliisa Abakora Habw’Oburungi bw’Abantu Ba Yahwe
Abantu baingi barora kubi abantu abaine obusobozi. Eki nikyetegerezebwa. Habwokuba, abantu bamazire akasumi kaingi nibakozesa obusobozi bwabo kwegasira bonka. (Mik 7:3) Nitusiima muno habwokuba abagurusi omu kitebe batendekerwe kukozesa obusobozi bwabo habw’oburungi bw’abantu ba Yahwe.—Es 10:3; Mat 20:25, 26.
Kwahukanaho n’ab’obusobozi omu nsi enu, abagurusi bakora emirimo yabo nk’abaroleerezi habwokuba bagonza Yahwe n’abantu be. (Yoh 21:16; 1Pet 5:1-3) Hansi y’oburagirizi bwa Yesu, abaliisa banu bakonyera buli mutebezi kwehurra ali kicweka ky’eka y’abaheereza ba Yahwe n’okwikara haihi na Yahwe. Barahuka kugarramu entaama za Yahwe amaani omu by’omwoyo n’okuzikonyera obuhabaho obwetaago obw’ahonaaho omu by’obujanjabi rundi obuhabaho ekigwererezi. Obworaaba noyetaaga obukonyezi, manyisa omugurusi omu kitebe kyawe.—Yak 5:14.
MUROLE VIDIYO ABALIISA ABAROLERRA ENTAAMA, HANYUMA MUGARUKEMU EBIKAGUZO BINU:
-
Obukonyezi Mariana yatungire kuruga hali abagurusi bukamugasira buta?
-
Obukonyezi Elias yatungire kuruga hali abagurusi bukamugasira buta?
-
Ebyokurarraho binu bikwasireho bita omulingo ororamu emirimo abagurusi bakora?
