Sebutemba 2-8
ZABULI 79-81
Ekizina 29 Hamu n’Okusaba | Okwanjura (Dak. 1)
1. Yoleka Okugonza habw’Ibara lya Yahwe ery’Ekitiinisa
(Dak. 10)
Wetantarre kimu engeso zoona ezitarukuhaisa Yahwe ekitiinisa (Zab 79:9; w17.02 9 ¶5)
Kunga ibara lya Yahwe (Zab 80:18; ijwbv-E 3 ¶4-5)
Yahwe aha emigisa abo boona abooleka ngu nibagonza ibara lye kuraba omu kumworobera (Zab 81:13, 16)
Engeso zaitu kusobora kuhaisa Yahwe ekitiinisa, tusemeriire kuleetera abandi kukimanya ngu tuli Bakaiso be
2. Eby’Omuhendo Kuruga Omu Baibuli
(Dak. 10)
-
Zab 80:1—Habwaki obwire obumu ibara lya Yusufu lyakozesebwaga kukikirra enganda zoona eza Isaleri? (it-2-E 111)
-
Bintu ki ebi oyegere omu kusoma Baibuli okwa wiiki enu ebi wakugondeze kugambiraho abandi?
3. Okusoma Baibuli
(Dak. 4) Zab 79:1–80:7 (th isomo 10)
4. Kutandika Kubaza n’Omuntu
(Dak. 1) ENJU HA NJU. Tandika kwegesa Baibuli. (lmd isomo 4 akacweka 4)
5. Kutandika Kubaza n’Omuntu
(Dak. 3) OKUTEBEZA OKW’AHONAAHO. Tandika kwegesa Baibuli. (lmd isomo 4 akacweka 3)
6. Kutandika Kubaza n’Omuntu
(Dak. 2) OKUTEBEZA OKW’OMU RWIJWIRE. Tandika kwegesa Baibuli. (lmd isomo 3 akacweka 3)
7. Kugarukira ow’Otebiize
(Dak. 5) ENJU HA NJU. Kaguza omuntu ayasangirwe ayangire kwega Baibuli obu araaba hati n’agonza kwega. (lmd isomo 8 akacweka 3)
Ekizina 10
8. “Balyeza Ibara Lyange”
(Dak. 15) Kuleeta hamu ebiteekerezo.
Sitaani akatandika kusiiga ibara lya Yahwe enziro omu rugonjo rwa Adeni. Kuruga obu, encwamu ey’amaani abantu boona hamu na bamalaika eibasemeriire kukora nukwo kweza ibara lya Yahwe rundi nangwa.
Tekerezaaho bimu ha bisuba Sitaani ajanjaize hali Yahwe. Amujunaana kuba omulemi ow’ataine embabazi. (Kub 3:1-6; Yob 4:18, 19) Agamba ngu abaheereza ba Yahwe tibamugonza kuruga ha mutima. (Yob 2:4, 5) Aleetiire obukaikuru n’obukaikuru bw’abantu kwikiriza ngu Yahwe tali nuwe ayahangire ensi enu enungi ei turukwikaramu.—Bar 1:20, 21.
Ebisuba binu bikuleetera kwehurra ota? Obundi bikuleetera kugonza kurwanirra Yahwe! Akaba akimanyire ngu abantu be baakugondeze kweza ibara lye. (Isaya 29:23.) Nosobora ota kukonyera?
-
Konyera abandi kumanya Yahwe n’okumugonza. (Yoh 17:25, 26) Ikara oyeteekaniize kuha obwakaiso oburukwoleka ngu Yahwe aroho kwo kandi oyegese abandi ha miringo ye ey’erukuhuniriza.—Is 63:7
-
Gonza Yahwe n’omutima gwawe gwona. (Mat 22:37, 38) Yorobera ebiragiro bya Yahwe hatali habwokuba birungi haliiwe kyonka baitu habwokuba n’ogonza kumusemeza.—Nfu 27:11
Murole VIDIYO Okugonza Tikuhwaho Nobu Kiraaba . . . Abeegi Bagenzi Baawe Tibarukuhondera Emisingi Ya Yahwe. Hanyuma okaguze abarukuhuliriza:
-
Ariel na Diego bakarwanirra bata ibara lya Yahwe?
-
Kiki ekyabekambisize kurwanirra Yahwe?
-
Nosobora ota kwegera ha kyokurorraho kyabo?
9. Okwega Baibuli nk’Ekitebe
(Dak. 30) lfb isomo 57
