1 | Okusaba—‘Munagire Okutuntura Kwawe Kwona’
BAIBULI EGAMBA: “Nimunagira okutuntura kwanyu kwona [hali Ruhanga] baitu nabitaho omutima ebigambo byanyu.”—1 PETERO 5:7.
Eki Nikimanyisa Ki?
Yahwe Ruhanga naturaaliza kumugambira byona ebirukutweraliikiriza. (Zabuli 55:22) Nitusobora kumugambira ebizibu byaitu ebitaito n’eby’amaani. Obukiba kikuru haliitwe, na hali Yahwe kiba kikuru. Kumusaba kitukonyera kutunga obusinge omu bitekerezo.—Abafiripi 4:6, 7.
Eki Kitukonyera Kita?
Obutuba nitutalibanizibwa oburwaire bw’omutwe nitusobora kwehurra tuli itwenka. Abantu abandi tibakira kwetegereza kurungi omulingo gwonyini oguturukwehurramu. (Enfumo 14:10) Baitu obutugambira Ruhanga omulingo turukwehurramu kuraba omu kusaba, twehurra ngu natuhuliiriza kandi natwetegereza. Yahwe aturora, amanyire obusaasi bwaitu n’ebiturukurabamu, kandi n’agonza tumugambire byona ebirukutweraliikiriza.—2 Ekyebyomubusinge 6:29, 30.
Obutubaza na Yahwe omu kusaba kitugumya ngu n’atufaaho. Nitusobora kwehurra nk’omuhandiiki wa Zabuli ayasabire ati: “Okarora omuhito gwange; okamanya obwomezi bwange omu bujune.” (Zabuli 31:7) Kukimanya ngu Yahwe amanyire ebiturukurabamu nikisobora kutukonyera kugumiisiriza. Baitu tagarukira ha kurora obujune bwaitu. Nayetegereza kurungi enyikara yaitu kukira omuntu ondi wena kandi akozesa Baibuli kutuhuumuza n’okutugarramu amaani.
Nosobora Kugonza na Binu;
OMUNAARA GW'OMULINZI
Kiki eky’Osobora Kukora Nukwo Ruhanga Ahurre Esaara Zaawe?
Baza na Ruhanga hoona nambere oli, obwire bwona, noyatura ebigambo rundi n’obaliza omu mutima. Yesu akatukonyera n’okumanya ebitusobora kubaza.
OMUNAARA GW'OMULINZI
Ruhanga Ahurra Esaara Zaitu?
Baibuli n’etugumya ngu Ruhanga ahurra esaara zaitu obutumusaba omu mulingo oguhikire.
EBIRUKUTUKWATAHO
Saba Kubungirwa
Tunga eky’okugarukamu ky’ekikaguzo kyawe, rundi omanye ebirukukiraho ebirukukwata h’Abakaiso ba Yahwe.
