EBYAFAAYO
Kufa Amatu Tikintangire Kwegesa Abandi
Nkabatizibwa omu 1941 nyine emyaka 12. Baitu 1946 nubwo nayetegeriize kurungi amananu. Habwaki kyali kiti? Leka mbagambire ebyafaayo byange.
GUKABA nk’omwaka gwa 1910 abazaire bange obu bafurukiire omu ihanga lya Canada omu kicweka ekirukweta Tbilisi, Georgia. Baikaraga omu kaju akakaba kali ha famu haihi n’ekiikaro ekirukwetwa Pelly, Saskatchewan. Nkazarwa omu 1928, kandi ninyowe ayali macura omu baana mukaaga. Ise nyowe akafa ameezi mukaaga ntakazairwe, kandi nyina nyowe nauwe akafa nkyali muto muno. Hakarabaho akasumi kake, munyaanya nyowe kandi omukuru wange arukwetwa Lucy akafa, akaba ahikize emyaka 17. Nahabweki isento nyowe arukweta Nick nuwe yatukulize nyowe n’abagenzi bange.
Kiro kimu obu nkaba nkyali muto, abanaikaraga nabo bakarora ninsika omukira ogw’embaraasi yaitu. Bakatiina muno nibatekereza ngu ekaba n’esobora kunsamba, nahabweki bakatokera haiguru nibangamba ngu ngireke. Baitu nkaba mbatiire amabega nahabweki ntahurre amaraka gabo. Ekirungi, embaraasi entakole ekintu kyona. Baitu eki nikyo kiro eki bayetegeriize ngu amatu gange gakaba gatarukukora.
Omunywani waitu omu akabaha amagezi bantwale omu isomero ly’abafu b’amatu. Eki nikyo isento nyowe Nick yakozere, akantwara omu isomero erikaba liri omu Saskatoon, Saskatchewan. Isomero linu likaba hara muno n’owaitu, kandi nkatiina muno habwokuba nkaba nyine emyaka 5 yonka. Ab’omu ka nababungiraga obu twabaga tuhumwire rundi omu kasumi k’ekyanda. Obwire bukahika nanyowe n’ayega orulimi rw’abafu b’amatu kandi
natandika kwegonza ninzana n’abaana abandi.NKEGA AMANANU
Omu 1939, munyaanya nyowe omukuru arukwetwa Marion akaswerwa omusaija arukwetwa Bill Danylchuck, kandi baturolerra nyowe na munyaanya nyowe Frances. Omu ka yaitu, nubo babandize kwega Baibuli n’Abakaiso ba Yahwe. Obu nabaga ndi omu ruhumuro, bakoraga kyona ekirukusoboka kunyegesa ebi bayegaga kuruga omu Baibuli. Kikaba kitanguhire kwetegerezangana habwokuba bakaba batamanyire orulimi rw’abafu b’amatu. Baitu baroraga ngu nkaba ningonza ebi banyegesaga hali Yahwe. Habwokuba nkarora ngu ebi bakaba nibakora bikaba biine akakwate n’ebi Baibuli eyegesa, nkatandika kugendaga n’abo kutebeza. Obwire bukahika nanyowe n’agonza kubatizibwa, kandi ebiro 5 Sebutemba omu 1941, Bill akambatiriza omu kitanka ekikaba kirumu amaizi agabaihire ha iziba. Amaizi gakaba nigafuka ti!
Ndi n’abafu b’amatu abandi ha ruso’rokano orukooto Cleveland, Ohio, omu 1946
Omu 1946 obu nagarukire omu ka omu kyanda, tukagenda omu ruso’rokano orukooto orukaba ruli omu kicweka ekirukwetwa Cleveland, Ohio ekirukusangwa omu Amerika. Ekiro ky’okubanza, banyaanya nyowe bakampandikira nukwo nsobole kuhondera ebikaba nibigenda omu maiso. Baitu ekiro ekyakabiri nkasemererwa muno obu nayetegeriize ngu hakaba haroho abafu b’amatu abandi abakaba baine arukubahindulira. Obu nubwo nayetegeriize ebi bakaba nibegesa, kandi nkehurra kurungi muno kurora ngu nkaba ntandikire kwetegereza Baibuli eky’eyegesa!
KWEGESA ABANDI AMANANU
Akasumi ako nubwo obulemu obw’ensi yoona obwakabiri bukaba buhoire kandi abantu bakaba nibagonza kwoleka obwesigwa bwabo hali amahanga gabo. Baitu nyowe obu nkaba ninduga omu ruso’rokano runu, nkaba maliriire kuba mwesigwa hali Yahwe. Nahabweki nkalekaho kuterra bendera etamaama, kuzina ekizina ky’ihanga, n’okwetahya omu biro ebikuru. Kandi ntagaruke kugenda omu kanisa n’abegi bagenzi bange. Ekintu kinu kikabihiza abegesa bange, nahabweki bakatandika kunsekereza kandi nibangambira ebisuba nibagonza kunmara amaani. Ekintu kinu abegi bagenzi bange bakakyetegereza kandi kyandetera omugisa gw’okubatebeza. Abamu halubo nka Larry Androsoff, Norman Dittrick, hamu na Emil Schneider bakaikiriza amananu kandi na hati nibaheereza Yahwe.
Obu nabungaga omu mbuga ezindi, nakoraga kyona ekirukusoboka kuserra abafu b’amatu mbatebeze. Ekyokurorraho, obu nahikire omu Montreal, nkagenda nambere abafu b’amatu bayesorolezaga. Nkasangayo omusigazi arukwetwa Eddie Tager ou natebiize, kandi akaba n’ayebembera ekitebe ky’abantu abajemu. Aikaire omu kitebe ky’Abakaiso ba Yahwe eky’orulimi rw’abafu b’amatu omu Laval, Quebec kuhika obu yafiire. Kandi nkatebezaaho omusigazi arukwetwa Juan Ardanez. Akaba n’asisana nk’abantu ba Beroya habwokuba yaserulirizaaga kugumya obu ndaba nimwegesa ebirukuruga omu Baibuli. (Engeso Ezabakwenda 17:10, 11) Nauwe akeega amananu, kandi akaba n’aheereza nk’omugurusi omu kitebe kya Ottawa, Ontario, kuhika obu yafiire.
Nintebeza ha muhanda omu myaka ya 1950
Omu 1950, nkafuruka n’agenda Vancouver. Nobundaaba ngonza kutebeza abafu b’amatu, tindyebwa omukazi arukwetwa Chris Spicer ou nasangire omu muhanda namutebeza. Uwe atabe mufu w’amatu. Akaikiriza kugura magaziini buli kwezi
kandi akaba n’agonza ngende ntebeze iba arukwetwa, Gary. Obu nababungire tukamaraa obwire bwingi nitubaza kuraba omu kuhandika ha rupapura. Hakaraboho emyaka nyingi tutakaroranganaga omurundi gundi kuhikya obu nahuniriire kurora n’aija kundamukya tuli omu ruso’rokano rukooto omu Toronto, Ontario. Akaba n’agenda kubatizibwa ekiro eki. Ekintu kinu kikanyoleka omulingo kiri kikuru kwikara n’otebeza habwokuba tosobora kumanya obwire busobora kuhika omuntu ow’otebiize nayega amananu.Obwire bukahika nagaruka Saskatoon. Haroho omukazi ou natangaine yansaba kwegesa abahara be babiri abarongo, omu arukwetwa Jean n’ondi Joan Rothenberger abakaba bafiire amatu. Nabo bakaba nibasomera omu isomero eri nasomiiremu. Bakatandika kugambiraho abegi bagenzi babo ebi bakaba nibega. Kinu kikakonyera abegi batano kuruga omu kitebe kyabo kufooka Bakaiso ba Yahwe. Omu halubo yayetwaga Eunice Colin. Nkaba nsangirwe murozereho obu nkaba ndi omu mwaka gwange obw’okumaliira emisomo ha isomero eri. Omwaka ogu akaba ampaire switi yansaba tube banywani. Hanyuma y’obwire akafooka muntu w’omugaso muno omu bwomeezi bwange. Akafooka mukazi wange!
Ndi na Eunice omu 1960 na 1989
Nyina Eunice obu yakyetegeriize ngu omuhara akaba n’ayega Baibuli, akasaba omukuru w’isomero kumusonasona alekeho kwega. Nobwaraaba yalengereho kumulemesa kandi yasereka ebitabu ebi yakozesaga kwega, Eunice akaba acwiremu kulinda obwesigwa bwe hali Yahwe. Obwakaba n’agonza kubatizibwa, abazaire be bakamugambira ngu, “Obworafooka Kaiso wa Yahwe, otagaruka kwikara hanu!” Nahabweki, Eunice akaruga owabo aine emyaka 17 yatandika kwikara n’eka emu ey’Abakaiso ba Yahwe. Akeyongerayo kwega Baibuli kandi yabatizibwa. Obu twatahiire obuswere omu 1960, abazaire be bataije ha bugenyi bwaitu. Baitu emyaka obu yarabireho, bakatandika kututamu
ekitiinisa habw’enyikiriza yaitu n’okurora omulingo tukaba nitukuza abaana baitu.YAHWE ANDOLERIIRE
Mutabani wange Nicholas na mukazi we Deborah, nibaheereza ha Beserei ya London
Kikaba kitanguhire kukuza abaana boojo musanju abarukuhurra kandi itwe tutarukuhurra. Baitu tukabegesa orulimi rw’abafu b’amatu nukwo tusobole kubaza nabo kandi tubegese amananu. Ab’oruganda n’abanyaanya itwe bakatukonyera muno. Ekyokurorraho, omuzaire omu akatuhandiikira ha kapapura n’atugambira ngu omu ha batabani baitu akaba n’abaza ebigambo bibi ali omu Kingdom Hall. Kinu kikatukonyera kugonjoora ekizibu kinu. Abatabani bange banu abana
Batabani bange James, Jerry, na Steven hamu n’abakazi babo nibasagika omulimo gw’okutebeza omu rulimi rw’abafu b’amatu omu miringo yona
Eky’enaku, tukaba tusigaizeho okwezi kumu tuhikye emyaka 40 omu buswere, mukazi wange Eunice yaitwa oburwaire bwa kokoro. Obusumi bwona obw’akaba nabonabona, okunihira kwe omu kuhumbuuka kukaba kugumire. Ndindiriire akasumi obu ndimurora omurundi ogundi.
Faye na James, Jerry na Evelyn, Shannan na Steven
Zabuli 10:14) Ninsiima muno boona abampandikiire ha mpapura nukwo nyetegereze, abayegere orulimi rw’abafu b’amatu, kandi abampinduliire nukwo nyetegereze.
Omwaka 2012 okwezi kwa Febwali, nkagwa hansi nahenda enyugunyu. Kusigikirra n’oku nkaba ninyetaaga kukonyerwa, nkacwamu kwikara na mutabani wange hamu na mukazi we. Hati tuli omu kitebe ky’orulimi rw’Abafu b’Amatu ekya Calgary nambere ndukuheereza nk’omugurusi. Kandi gunu nugwo omurundi gw’okubanza kuba omu kitebe ekirukukozesa orulimi rw’abafu b’amatu! Baitu hati nkasobora nta kwikara ngumire omu nkoragana yange na Yahwe ndi omu kitebe eky’Orungereza? Yahwe akankonyera. Akahikiriza omurago gwe ogw’okurolerra enfuzi. (Ndi omu isomero ly’aba payoniya ery’orulimi rw’abafu b’amatu ha myaka 79
Haroho obu nalemwaga kwetegereza ebyagambwaga, rundi obu natekerezaga ngu busaho omuntu arukumanya omulingo gw’okwegesa omuntu afiire amatu. Amaani obu gampwaga, kandi nkagonza kulekaho, naijukaga ebigambo Petero yagambiire Yesu ngu: “Mukama waitu turagenda hali oha? Oyina ebigambo ebyobwomezi obutahwaho.” (Yohana 6:66-68) Nanyowe nyegere kuba mugumisiriza n’abafu b’amatu abandi abamazire emyaka nyingi omu kitebe. Nyeyongiire kwesiga Yahwe n’ekitebe kye kandi kinu kindetiire emigisa nyingi. Hati haroho ebitabu bingi omu rulimi rwange kandi kinsemeza muno kugenda omu nso’rokano enkooto eziri omu Rulimi rw’Abafu b’Amatu orwa Amerika. Hataroho kugurukyagurukya, obwomeezi bwange bubaire obw’okusemererwa kandi ngasiirwe habw’okuheereza Yahwe Ruhanga ow’Obusobozi bwona.