Amakuru hamu n’emikura ey’okubalizaaho byeyongiire kwoleka ebikorwa eby’enobi. Ekyokurorraho abantu babikozesa kukora emisango, kubaza ebigambo ebibi, n’okusindika obutumwa oburukwoleka enobi h’abantu abandi. Ekindi tekerezaaho abantu nyamwingi abahikirweho ebikorwa eby’okusoroora, kujumwa, kusekeerezebwa, kutiinisirizibwa n’okusiisa ebintu byabo. Mali, buli hamu omu nsi haliyo abantu abahikirweho enobi n’ebikorwa ebitali by’obuntu!

Akatabu kanu nikooleka omulingo tusobora kuleka enobi. Kinu tikiri kirooto kwonka. Abantu baingi omu nsi yoona basoboire kuhindukira kimu baaleka enobi.