Baibuli Eyegesa Ki?
Baibuli n’esobora kukukonyera kugumisiriza okwetuntura?
Iwe notekereza ki?
Ego
Nangwa
Timanyire
Baibuli eky’eyegesa
“Nimunagira okutuntura kwanyu kwona haluwe [Ruhanga], baitu nabitaho omutima ebigambo byanyu.” (1 Petero 5:7) Baibuli n’etugumya ngu Ruhanga n’asobora kukuhumuza obworukuba otuntwire.
Bintu ki ebindi ebiturukwega kuruga omu Baibuli?
Obworukusaba, notunga ‘obusinge bwa Ruhanga’ oburukukonyera kuleka kwetuntura.—Abafiripi 4:6, 7.
Ekintu ekindi, kusoma Ekigambo kya Ruhanga nikiija kukukonyera kugumisiriza okwetuntura okwoine.—Matayo 11:28-30.
Notekereza okwetuntura kulihwaho?
Abantu abamu baikiriza ngu . . . okwetuntura hamu n’okweralikirra bintu bya buli kiro omu bwomeezi bw’omuntu. Baitu abandi baikiriza ngu, okwetuntura kuhwaho omuntu obwafa. Iwe notekereza ki?
Baibuli eky’eyegesa
Ruhanga naija kumaraho ebintu byona ebirukutuletera kwetuntura. “Tihakiroho okufa, nobukwakuba okutera empamo, nobukwakuba oku’ra, nobukwakuba okusasa tibikiroho.”—Okusuku’rwa 21:4.
Kiki ekindi ekiturukwega kuruga omu Baibuli?
Hansi y’Obukama bwa Ruhanga nitwija kwikara omu businge.—Isaya 32:18.
Okwetuntura n’okweralikirra nibiija kuhwaho.—Isaya 65:17.
