Omulingo Okufa Kulisingurwa
N’OBUKIRAABA ngu obujeemu bw’abazaire baitu ab’okubanza Adamu na Hawa bukaletera abantu boona ekibi n’okufa, eki kitahindule ekigendererwa kya Ruhanga hali abantu. Omu Baibuli yoona, Ruhanga nakyoleka nk’oku ekigendererwa kye hali abantu kitakahindukaga.
-
“Abahikiriire baligwetwa ensi, baragiikaramuga ebiro n’ebiro.”—Zabuli 37:29.
-
“Ameriire kimu okufa ebiro byona; kandi Mukama Ruhanga aliragaza amaizi ha maiso gona.”—Isaya 25:8.
-
“Omunyanzigwa owa ha mpero aliihibwaho nukwo okufa.”—1 Abakolinso 15:26.
-
“Kandi tihakiroho okufa; nobukwakuba okutera empamo, nobukwakuba oku’ra nobukwakuba okusasa tibikiroho.”—Okusuku’rwa 21:4.
Ruhanga alimera ata rundi alimaraho ata okufa? Nk’oku kyolekerwe kurungi omu Baibuli ngu: “abahikiriire . . . baragiikaramuga [ensi] ebiro nebiro.” Baitu eyongera egamba ngu: “Tiharoho hansi omuntu ahikiriire, arukukora kurungi.” (Omugambizi 7:20) Kusobora kusingura okufa, Ruhanga kirimwetagisa kubanza kucwa endengo ze rundi emisingi ye? Nangwa, tasobora. Habwokuba ‘Ruhanga tarukusobora kubiiha.’ (Tito 1:2) Hati, kiki Ruhanga eky’arakora kusobora kuhikiriza ekigendererwa kye hali abantu?
RUHANGA NAIJA ‘KUMIRRA KIMU OKUFA EBIRO BYONA.’—ISAYA 25:8
KUHAYO EKICUNGURO KUSOBORA KUSINGURA OKUFA
Yahwe Ruhanga akatwoleka okugonza okw’amaani obuyatuhaire ekicunguro kusobora kutujuna okufa. Ekigendererwa ekikuru eky’ekicunguro kiri, kusasura omuhendo ogurukwinganaingana n’ekintu ekirukuba kisisikaire rundi kusasura nukwo habeho obwinganiza. Abantu boona baine ekibi kandi bakacwerwa ogw’okufa, baitu Baibuli negamba eti: “Busaho omulibo asobora okucungura mwene wabu na kake nobukwakuba okumuhera Ruhanga omuhendogwe: (Baitu okucungura obwomezi bwabu kwomuhendo, kwokulekwayo ebiro byona).”—Zabuli 49:7, 8.
Omuntu ow’atahikiriire obwafa, aba asasuliire ebibi bye wenka, kandi tasobora kusasurra ebibi eby’abantu abandi rundi kwecungura. (Abarumi 6:7) Tukaba nitwetaaga omuntu anyakuhikiriire kandi ataine kibi kuhayo obwomeezi bwe kusasurra ebibi byaitu, hatali kusasurra ebye.—Abaheburaniya 10:1-4.
Eki nikyo kyonyini Ruhanga ekiyakozere. Akatuma Omwana we Yesu kuruga omu iguru yazaarwa omu nsi ataine kibi kandi ahikiriire. (1 Petero 2:22) Yesu akagamba ngu akaija ‘kuhayo obwomeezi okucungura baingi.’ (Marako 10:45) Akafa kusasurra ebibi byaitu n’okutujuna kuruga omu kufa.—Yohana 3:16.
OKUFA KULISINGURWA DDI?
Kasumi kanu, obunabbi obuli omu Baibuli oburukwoleka ngu tuli “omu biro ebya hanyuma ebiro ebyakabi kaingi” nibuhikirra. (2 Timoseo 3:1) Ebiro ebya hanyuma rundi ebya ha mpero nibiija kuhwaho “ha kiro ekyomusango nokuhwerekerezebwa okwabantu abatarukutina Ruhanga.” (2 Petero 3:3, 7) Baitu abantu abarukugonza Ruhanga tibarukwija kuhwerekerezebwa baitu nibaija kutunga omugisa ‘ogw’obwomeezi obutahwaho.’—Matayo 25:46.
Yesu akaija ‘kuhayo obwomeezi bwe okucungura baingi.’—Marako 10:45
Obukaikuru n’obukaikuru bw’abantu abaafiire nibaija kutunga omugisa ogw’okuba n’obwomeezi obutahwaho obu baliba bahumbukire. Yesu obuyabungire Luka 7:11-15) Omukwenda Paulo akagamba ati: “Ndina okunihira hali Ruhanga . . . ngu halibaho okuhumbuka okwabahikiriire nabatahikiriire.” Okunihira kunu Ruhanga okw’atuhaire, nikwolekera kimu okugonza okw’amaani okw’ainiire abantu.—Engeso Ezabakwenda 24:15.
omu rubuga rwa Naini akahumbuura omuntu ow’akaba afiire. Omufakati omu, akaba aferiirwe omwana we omu wenka, baitu Yesu akakwatwa embabazi yamuhumbuura. (Obukaikuru n’obukaikuru bw’abantu nibasobora kuba n’okunihira okw’okwomeera ebiro n’ebiro. Baibuli n’egamba ngu: “Abahikiriire baligwetwa ensi, baragiikaramuga ebiro nebiro.” (Zabuli 37:29) Kasumi ako, abantu abo baliba baine okusemererwa kandi balihumuzibwa habw’okurora ebigambo eby’omukwenda Paulo yahandiikire emyaka 2000 enyuma nibihikirra, ebirukugamba ngu: “Okufa okusingura kwawe kuraha? okufa okuhururwa kwawe kuraha?” (1 Abakolinso 15:55) Okufa okukyakizireyo kutiinisa abantu nikwija kusingurwa.