Kiro kimu, munyaanya itwe kuruga New Zealand akarora vidiyo ha jw.org ey’ekaba n’ebazaaho omulingo Yahwe atagarukira ha kusaalirirwa abandi kyonka baitu akyoleka n’omu bikorwa. (Is. 63:​7-9) Akacwamu kuteeka omu nkora ebyakaba ayegere kuraba omu kukonyera abandi. Hanyuma kiro eki, obwakaba agiire ha duuka kugura ebintu, akarora omukazi ow’ataine ahokuraara kandi yamukaguza obwaraaba n’asobora kumugurra ebyokulya. Omukazi ogu akaikiriza. Munyaanya itwe obuyamuletiire ebyokulya akamutebezaaho kake kandi yamusigira turakiti Okubonabona Kulihwaho?

Omukazi onu akatandika kurra. Akagamba ngu akaba akuliire omu mananu baitu yagarugamu emyaka nyingi enyuma. Ebiro bike enyuma akaba nasaba Yahwe amukonyere ayongere kumuheereza. Munyaanya itwe akamuha Baibuli kandi baakora entekaniza kutandika kumwegesa Baibuli. a

Nka Yahwe, naitwe nitusobora kwoleka abantu abandi embabazi, otwaliiremu abanyabuzaale baitu n’ab’oruganda na banyaanya itwe omu kitebe. Ekindi, twoleka embabazi kuraba omu kukozesa buli mugisa gwona ogututunga kutebeza abandi.