Osomere kurungi magaziini ez’Omunaara gw’Omulinzi ez’omwaka gunu? Hati, rora obworaaba nosobora kugarukamu ebikaguzo ebirukuhonderaho:

Tugasirwa tuta obutubaza, tukahuliiriza, kandi tukateekerezaaho Yahwe?

Nitwija kukora encwamu enungi, tube abeegesa abarungi, okwikiriza kwaitu kweyongere kuguma, kandi okugonza kwaitu hali Yahwe kweyongere.​—w22.01, rup. 30-31.

Turagasirwa tuta obuturayega kwesiga Yahwe hamu n’abo abataireho kutwebembera?

Kanu nuko kasumi ak’okwesiga omulingo Yahwe akoramu ebintu bye kuraba mukutagurukyagurukya oburagirizi n’encwamu z’abagurusi. Omuhito omwingi obuguratandika, nikiija kutwanguhira kworobera oburagirizi n’obuburazooka nk’obuhyaka rundi obutarukukora amakuru.​—w22.02, rup. 4-6.

Kiki malaika eky’akaba namanyisa obuyagambiire Zakaliya ‘h’akabale akokulenga omu mukono gwa Zerubaberi [omulemi Omuyudaaya]’? (Zek. 4:8-10)

Okwolekwa kunu kukagumya abantu ba Ruhanga ngu yekaru n’obweraaba ekaba etasemeriire nk’oku bakaba nibagonza, ekaba niija kuhwa kwombekwa kandi ebe nk’oku Yahwe akaba nagonza.​—w22.03, rup. 16-17.

N’osobora ota kuteekaho ekyokurorraho ekirungi eky’okubaza? (1 Tim. 4:12)

Tubaze omu mulingo ogw’embabazi kandi ogw’ekitiinisa omu buheereza, tuzine n’omutima gwaitu gwona, tuheyo butoosa eby’okugarukamu omu nsorrokano, tubaze amananu, kandi tugarremungana amaani kuraba omu kwerinda kukozesa orulimi orubi.​—w22.04, rup. 6-9.

Habwaki ebicweka eby’ebisoro bbina (obukama) ebirukubazibwa omu Danieri esuura 7 biri ha kisoro kimu nk’oku kyolekerwe omu Okusuku’rwa 13:1, 2?

Ekisoro ekirukubazibwaho omu Okusuku’rwa 13 tikirukukiikirra gavumenti emu yonka, ekyokurorraho nka Roma. Oihireho, nikikikirra obulemi bwona obwikaire nibulema abantu kuruga kara kuhika omu kasumi kanu.​—w22.05, rup. 9.

Mulingo ki omukuru ogutusobora kwoleka ngu nitwesiga obwinganiza bwa Ruhanga?

Kakuba omuntu atujuma, atubiihiza, rundi atusiisira, tulengeho kutabiihirwa n’okutaahura enzigu kandi ensonga tuzireke omu mikono ya Yahwe. Naija kumaraho ebizibu byona ebireserweho ekibi.​—w22.06, rup. 10-11.

Kiki ow’oruganda ow’arukwebembera abandi omu kusaba omu nsorrokano eky’asemeriire kwijuka?

Esaara tesemeriire kukozesebwa kuha obuhabuzi hali ekitebe rundi kuha ebirango. Tikirukwetaagisa kusaba  “endanda” kukira muno ha kutandika kw’orusorrokano. (Mat. 6:7)​—w22.07, rup. 24-25.

“Abo abakozire okubi” nibaija kutunga ‘okuhumbuuka okw’okumusango’ omu mulingo ki? (Yoh. 5:29)

Tibalifubirwa kusigikirra ha bintu ebibaakozere kara. Nibaija kucwerwa omusango kusigikirra ha nyetwaza yabo hanyuma y’okuhumbuuka.​—w22.09, rup. 18.

Kutererra ki okurukusemeza J. F. Rutherford okuyahaire ha rusorrokano orukooto orwa Sebutemba 1922?

Ha rusorrokano orukooto orw’abaireho omu Cedar Point, Ohio, U.S.A., akarangirra ati: “Murole Omukama nalema! Muli bakwenda be mali. Nahabweki, murangirre, murangirre, murangirre, Omukama n’Obukama bwe!”​—w22.10, rup. 3-5.

Isaya esuura eya 30 n’eyoleka miringo ki esatu Ruhanga eyatukonyeramu kugumiisiriza?

Esuura enu n’eyoleka ngu (1) ahuliiriza kandi agarukamu esaara zaitu, (2) atuha obuhabuzi, kandi (3) atuha emigisa hati kandi naija n’okukikora omu kasumi ak’omu maiso.​—w22.11, rup. 9.

Habwaki nitusobora kugamba ngu ebigambo ebiri omu Zabuli 37:10, 11, 29 bikahikirra omu kasumi kaakara kandi nibiija n’okuhikirra omu kasumi ak’omu maiso?

Ebigambo bya Daudi nibibazaaho enyikara enungi ez’abaireho omu Isaleri, Omukama Sulemani obwakaba nalema. Yesu akabazaaho orugonjo orurungi orulibaho omu kasumi ak’omu maiso kandi akajuliza orukarra orwa 11. (Mat. 5:5; Luk. 23:43)​—w22.12, rup. 8-10, 14.