Soma Ekyabacwi 11:​30-40 kwegera ha kyokurorraho kya Yefuta na muhara we obukirukuhika ha kuhikiriza okweraga.

Tekerezaaho ebirukuzingirwamu. Abaisaleri abesigwa baaroraga bata okweraga oku baakoraga hali Yahwe? (Kubar. 30:2) Yefuta na muhara we bakoleka bata ngu bakaba nibaikiririza omuli Yahwe?—Bac. 11:​9-11, 19-24, 36.

Kora okuseruliiriza okurukukiraho. Kiki Yefuta eki asobora kuba akaba naatekerezaaho obu yakozere okweraga kwe? (w16.04-E 7 ¶12) Biki Yefuta na muhara we ebi baayeferiize kurora ngu baahikiriza okweraga kwabo? (w16.04-E 7-8 ¶14-16) Kweraga kwa mulingo ki Abakristaayo oku basobora kukora kasumi kanu?—w17.04 5-8 ¶10-19.

Tekerezaaho omulingo osobora kuteeka omu nkora ebi oyegere. Wekaguze:

• ‘Kiki ekisobora kunkonyera kuhikiriza okweraga kwange okw’okuheereza Yahwe ebiro n’ebiro?’ (w20.03 13 ¶20)

• ‘Bintu ki ebi nsobora kwefereza kusobora kweyongera kuheereza Yahwe?’

• ‘Kiki ekisobora kunkonyera kulinda okweraga oku nakozere hali ogu ou ndi na uwe omu buswere?’ (Mat. 19:​5, 6; Bef. 5:​28-33)