Abazaire baine obujunanizibwa bw’amaani obw’okwegesa abaana baabo hali Yahwe. (Bef. 6:4) Ekitebe kya Yahwe kitekaniize ebintu bingi ebisobora kukonyera abazaire. N’osobora ota kubikozesa kutendeka abaana baawe?

• Biserre ha mukura. Ha JW.ORG haroho ebintu byona ebitekaniziibwe kukonyera abaana, binu nibitwarramu vidiyo n’ebicweka eby’okusoma. a Kusobora kubizoora handiika ekigambo “Abaana” rundi “Ensinganto” omu kasanduuko ak’okuserra.

• Komamu ebirukukwataho abaana baawe. Ebiri omu kicweka “Abaana,” nibisobora kukukonyera kumanya ebirakonyera omwana waawe. Kusobora kubitunga handiikamu ebigambo binu “Okuramya kw’Eka.”

• Tunga obwire kubaza n’abaana baawe. Wetantale kukozesa vidiyo n’ebitabu byaitu nk’omulingo gw’okuculeeza omwana waawe rundi kumuhugura nukwo okole emirimo endi. Oihireho mubibazeeho hamu kandi omukonyere kwombeka enkoragana ye na Yahwe.