Few Darge 19-25
SIŊ WORA 8-10
Siŋ 2 blam ɓe tosge | Wããre maa tĩĩ wer taygeti no (1 min.)
1. “Ndi togoɗ ge ndo yaŋ, O Jeofa”!
(10 min.)
Jeofa joŋ de el see naa debaŋ (Siŋ. 8:4-7; w21.08 3 § 6)
Naa togoɗ Jeofa diŋ de wãɗge ti joŋre ɓe maa de wooren wo ne jar de fruygi (Siŋ. 9:2; w20.05 23 § 10)
Naa togoɗ ne pa de maaga naa ‘waa siŋ ne hẽn go de jiili naa ɓuy mono (Siŋ. 9:3; w22.04 7 § 13)
WII JAG SEE ƁO ƊA: ‘Ndi togoɗ Jeofa na de ɗeŋ maa hõn pa là?’
2. Kiɗgi cõõre wããre maa ni Baa no
(10 min.)
-
Siŋ. 8:3, [NWT]—De maaga jee yer siŋ sen wãã ti weedo Baa mono, á da wããge na ga hãyne? (it-1 663)
-
Ndo da’ mayse ti jaŋge wããre Baa maa nen naw renam la ga ndo de sãy wããge ɓe ti là?
3. Jaŋge Wããre Baa
(4 min.) Siŋ. 10:1-18 (th hadge 11)
4. Tĩĩgi wer ndalge de jare
(3 min.) JAG-TIN JAG-TIN. Jee ɓen wãã mo ga se bay hã ɓil ti Baa wa. (lmd hadge 5 maa klee 4)
5. Ferge wo da’ jobo
(4 min.) SIIGI WÃÃRE TI NGEEL MAAGA NDO DA’ SEE ƁO NI ƁUY. Ti ndalge maa taŋgun, jee ɓen wãã mo ga se bay hã ɓil ti Baa wa. Amaa, patala se de sãy maaga nday mo ndal ti fẽẽre maaga ɓo’ wo nen ga jee joŋ fẽẽren ɓuy yaŋ. (th hadge 7)
6. Siigi Wããre
(5 min.) w21.06 6-7 § 15-18—Kluu ɓe no: Kay jar maaga ndo had ra de Bible maaga á mo togoɗ wo Jeofa. (th hadge 10)
Siŋ 10
7. Siigi wããre ti ngeel maaga ndo da’ see ɓo ni ɓuy: ɗeŋ menge ndalgen seege de see ɓe
(10 min.) Ndalge.
Naa ya’ wer togoɗ Jeofa ciŋ ni diŋ de siigi wããre Baa go ne jar maaga naa yiŋ de ɓaara ti naw tum mono (Siŋ. 35:28). Maapo, siigi wããre ti ngeel maaga naa da’ see naa ni ɓuy joŋ hẽẽne ne naa taŋgu. Amaa de maaga naa da’ faage ɓe we go, ga naa tĩĩ wer ndalge de jar de ɗeŋ maaga wããren mo a mbe le de see ɓe tu no, se kol yaŋ go do naa gus debaŋ, yãã jag naa yaŋ lay!
Kaŋ VIDEYO Hay wee go de bag jag se ɓay ma sii “wããre ma de cõõre ti jam no”—Tĩĩ wer ɓe taŋgu. Blam ɓe wii jag jare:
Ndo laa mayse ɓil videyo sen la ga kay ndo maaga ndo mo rug go ti siigi wããre ti ngeel maaga ndo da’ see ɓo ni ɓuy ne?
Blam mo ti’ la diŋ ɗeŋ po maaga kay wo ndo maa tĩĩ wer ndalge de jare
-
Tum de maaga ndo men tiŋ ɓo we go no, hay beg ngeel maaga ndo mo tĩĩ wer ndalge de jare. Tose lan ni ndo wii Jeofa ga á mo kay ndo maa da’ jar maaga joŋ wo yaŋ de sãy co’ sug ɓo ti mono
-
Hay fegge de jare, ɓo’ nen ne jar maaga ndo yiŋ de ɓaara ga ndo ɗig ti ɓaara. Kiɗ maaga ndo mo ko mopo see jee ɓe no, ga kay ndo maa da’ verse maaga co yaŋ jag ɓe mono.
-
Hayga á joŋ yaŋ no, kiɗ ɗeŋ maaga nday mo hã numero telefon ɓay ne kẽẽ
-
Hayga ndalgen taw we go ga ndo bay de wããge ne jee ɓen ti Bible wa ɗa no, á mo cee ndo wa
-
Fer ɗiggi ti jee ɓen blam ndalge ɓay no. Hay mbo tum ɓo’ nen ne jee ɓen ga ndo de ɗiggi ti ɓe, de ɓoɗge liyẽ maa ti verse po, noga maa ti artikle po ɓil jw.org wo ne hẽne
Liw maa ta’ la ɗa: Hayga jobo wii jag ɓo we ga, ‘ndo hres wikeŋn ẽla? no,’ wãã ne hẽn ti fẽn po maaga ndo laa ti taygeti, noga ti hadge Bible maaga ndo had ne jare.
8. Fẽẽre maaga tayge naan de sãy ɓaara ti mono
(5 min.)
