Few Ceere 20-26
SIŊ WORA 138-139
Siŋ 93 blam ɓe tosge | Wããre maa tĩĩ wer taygeti no (1 min.)
1. Men hẽẽne maŋ jag ɓo go fer wããre ti taygeti wo wa
(10 min.)
Naa da togoɗ Jeofa go de jiili naa ɓuy (Siŋ. 138:1)
Hẽẽne yaŋ joŋ ndo maa fer wããre ti taygeti wo no, wii kayge do Jeofa (Siŋ. 138:3)
Hẽẽne maa joŋ ndon naa go diŋ nen fẽn po maa de woore (Siŋ. 138:6; w19.01 10 § 10)
YAŊ PO: Ferge wããre jag de dogray kay maaga hẽẽne mo joŋ ndo debaŋ wa.—w23.04 21 § 7.
2. Kiɗgi cõõre wããre maa ni Baa no
(10 min.)
-
Siŋ. 139:21, 22—Kretiyẽ mo hay men wo ɓlagge wosela ɓuy go ne hẽn yawlà? (it-2-F491 § 8)
-
Ndo da’ mayse ti jaŋge wããre Baa maa nen naw renam la ga ndo de sãy wããge ɓe ti là?
3. Jaŋge Wããre Baa
(4 min.) Siŋ. 139:1-18 (th hadge 2)
4. Tĩĩgi wer ndalge de jare
(3 min.) SIIGI WÃÃRE TI NGEEL MAAGA JAR HRES NI NGAƁA. (lmd hadge 2 maa klee 3)
5. Kolge jar go jar maa wer Yeso
(4 min.) SIIGI WÃÃRE TI NGEEL MAAGA JAR HRES NI NGAƁA. Wãã ne jee ɓen ga ndo da had Bible de ɓe, ni ndo ngaɓ ɗeŋ seege de ɓe ne hẽne. (lmd hadge 10 maa klee 3)
6. Siigi wããre
(5 min.) ijwyp article 105—Kluu ɓe no: Ndi ɗii go ne joŋge sõõre ti na ɗiigi là? (th hadge 16)
Siŋ 59
7. Ndo mbo de kããge ma da’ fruygi wer siigi wããre Baa, koh ndo mo hay ba de sõõre
(15 min.) Ndalge.
Ndo de sõõre yawlà? Ndo da ga jobo mo ko ga ndo hay hres we là dra’ wa ɓuy yawlà? Koh wããge wããre ne jar dra’ joŋ hẽẽne mo yawlà? Maapo, sõõre maŋ jag ɓo go joŋ fẽẽre maaga ndo hay de sãy joŋ rage ti. Amaa, jar debaŋ maaga hay wo de sõõre naa wo blum ɓe. Á kol wo de kããge maa sii wããre Baa ne jare, day saara da’ fruygi wer ɓe. Naa had mayse see saɓlaŋ ɓaara là?
Kaŋ VIDEYO Ndi de sõõre, amaa ndi hã see ɓi go ɓuy ti joŋre. Blam ɓe wii jag jare:
-
Kaa Lee baa yaŋ ne hẽn ga á mo “joŋ joŋre ne Jeofa go de ẽgre ɓe ɓuy”. Á da’ mayse wer joŋge joŋre de yaŋ sen là?
Bible ngaɓ ga Moyis, Jermi, lan Timote hay wo de sõõre (Laa. 3:11; 4:10; Jer. 1:6-8; 1 Tim. 4:12). Mbe de sen ɓuy, saara joŋ de kããge maa joŋ fẽẽre maa kluuri wo ti peele maaga á hay wo joŋge ne Jeofa, werga Jeofa hay de ɓaara (Laa. 4:12; Jer. 20:11; 2 Tim. 1:6-8).
Jaŋ Esayi 43:1, 2. Blam ɓe wii jag jare:
-
Jeofa wãã ga se joŋ mayse yaŋ ne jar goŋ segen wo là?
Wara, Jeofa kay jar maaga wo de sõõre maa da’ fruygi ti siigi wããre Baa na kayge là?
Kaŋ VIDEYO Batem ya’ wer fruygi ɓo de peel ni na ya’ge là—À caa see ɓe. Blam ɓe wii jag jare:
-
Mãygeman naa Jackson ko ẽgre Jeofa kayge ɓe ti siigi wããre Baa na koge là?
-
Siigi wããre Baa kay jee maaga de sõõre na kayge là?
