SEELE KRETIYẼ
Kaŋ ɗiggi ɓo ti Jeofa hayga à yaŋ leɗ moge no
De maaga à yaŋ leɗ moge no, se gay mo ti hõõgesee lan nen ɗiggi lay. Hayga à yaŋ leɗ moge ti ɓaŋ jag-Baa ɓon no, maapo se gay mo ti ɓaŋ nenterse lay. Day ndo joŋ joŋge maa koɗ see ɓo jag leɗge sen wo so là?
Jar goŋ Jeofa po wo ngaaɓa yãã wo see ɓaara go jag leɗgen diŋ de deŋge see ɓaara see Jeofa (Siŋ wora 18:18). Ko ba do Ester ɗa, á wãã go ti fẽn maaga Haman jee le’ ra gen hay ɗig ga se joŋ ra de ɓe de ɓlagge mono (Ester 7:1-6). Taŋgu maaga á wo wãã wããren mono, á hay deŋ see ɓe see Jeofa de heege bii ɗa (Ester 4:14-16). Jeofa ɓo’ bosa’ ne joŋre Ester sen wo ti, yããn go de kawre ɓen wo no.
Maa jõõre wo de tigliiri, hayga à yaŋ leɗ wee ge no, wii wee kayge do Jeofa, noga wãã wee re sen ne jobo maaga go de ruggi doo pan ɓo laybla. Hay wee go de ɓawge jag jiili ɓay ga Jeofa kay nday yaŋ doo Ester no lay. Nday joŋ may maa coɓge jag leɗgen wo pa ne?
KO VIDEYO NAW MÃY TIGLI WO DE WEEJÕÕ —NDI JOŊ JOŊGE MAA KOƊ SEE ƁI DO JAR LEƊ SEN WO LÀ? BLAM ƁE FER WÃÃRE TI WIIGI JAG MAA BLAM WO LA NO:
-
Saɓlaŋ maa ni Charlie wo de Ferin kay weere jõõre wo de mayre tigliiri wo na kayge là?
-
Saɓlaŋ Charlie wo de Ferin kay pããrebe wo maaga á mo kay wo weere ɓaara wo jag jar leɗ sen wo na kayge là?
