SEELE KRETIYẼ
Jar maa peel tayge maaga joŋ wo joŋre ɓaaran maa kay jar maa ni Jeofan wo mono
Jar wara debaŋ bay wo hã ɓil ti jar kluuri sir ɓaaran wo wa. Sen ngel naa ga, werga jar kluuri sirn wo ɓaa ɓaa tu joŋ joŋre ɓaaran de ɓlagge, ɗig wo diŋ ti see ɓaara tawa (Mise 7:3). Naa joŋ suse’ ne Baa ti jar maa peel tayge ɓen wo no, werga jar sen joŋ wo joŋre de kluu ɓaaran maa kay jar maa ni Jeofan wo no.—Ester 10:3; Matiye 20:25, 26.
Jar maa peel tayge maa ni Jeofan bay wo doo jar kluuri maa ti tamsirn wo no wa, á joŋ wo joŋre ɓaaran de el werga á da wo Jeofa de jar maa ni ɓen wo no (Jaŋ 21:16; 1 Piyer 5:1-3). Yeso joŋ nen maaga jar maa peel taygen mo koɗ wo hrog maa ni Baa no, nen maaga wosela ɓuy mo ko see ɓe go de yeege yoo jar maa ni Jeofan wo wa, day mo ko see ɓe mbaŋ see Jeofa. Á ɗee wo deparday maa kay wosela ɓuy yoo jar maa ni Jeofan wo maaga da’ gayri we ti ɓaŋ nenterse, de ceege maa ti hõõgesee, noga nen re maa tigriŋ hãy po laybla no. Hayga ndo yaŋ de sãy kayge po ti no, daga jiili ɓo mo naa mo wa; wo see jee maa peel tayge maa ɓil tiŋ-Baa ɓo no.—Jag 5:14.
KO VIDEYO JAR MAA PEEL TAYGE MAA KOƊ SÃÃREN WO, BLAM ƁE FER WÃÃRE TI WIIGI JAG MAA GESIŊ WO LA NO:
-
Kayge maaga jar maa peel taygen hay kay wo Mariana de ɓe kayn na kayge là?
-
Kayge maaga jar maa peel taygen hay kay wo Eliyas de ɓe mono, kayn na kayge là?
-
De maaga ndo ko videyon la mono, ndo ɗig ti joŋre jar maa peel taygen wo na ga hãylà?
