Few Kage 7-13
SIŊ WORA 92-95
Siŋ 84 blam ɓe tosge | Wããre maa tĩĩ wer taygeti no (1 min.)
1. Joŋge peele ne Jeofa diŋ fẽn maaga daŋ go nen naw naa!
(10 min.)
Jeofa de kããge maaga naa goŋ ne (Siŋ. 92:2, 5; w18.04 26 § 5)
Á kay jar maa ɓen wo maa far ɗiggi maa de woore wo, maaga á mo da’ wo fruygi (Siŋ. 92:6; w18.11 20 § 8)
Á hã togoɗge ne jar joŋ peele ne hẽn wo no, koh á mo taw ba wo tããbe go (Siŋ. 92:13-16; w20.01 19 § 8)
WII JAG SEE ƁO ƊA, ‘Mayse maŋ jag ɓi go maa hã see ɓi go ne Jeofa nen tosge, lan maa wumgi go nen bii ne?’
2. Kiɗgi cõõre wããre maa ni Baa no
(10 min.)
-
Siŋ. 92:6—Wer mayse ga wããre sen naa wer koge re maa ni Jeofan go de woore là? (cl 176 § 18)
-
Ndo da’ mayse ti jaŋge wããre Baa maa nen naw renam la ga ndo de sãy wããge ɓe ti là?
3. Jaŋge Wããre Baa
(4 min.) Siŋ. 94:1-23 (th hadge 5)
4. Tĩĩgi wer ndalge de jare
(4 min.) SIIGI WÃÃRE TI NGEEL MAAGA NDO DA’ SEE ƁO NI ƁUY. Kiɗ ɗeŋ maa wããge ne jobo maaga ndo de ndalge de ɓe ga ndo diŋ jee had wããre Baa ne jare. (lmd hadge 5 maa klee 3)
5. Ferge wo da’ jobo
(3 min.) SIIGI WÃÃRE TI NGEEL MAAGA NDO DA’ SEE ƁO NI ƁUY. Wãã ne jee maaga hay ẽg yãã hadge Bible le ɓaa, ga patala de sãy laa wããren ti, ga ndo da had Bible de ɓe. (lmd hadge 8 maa klee 4)
6. Kolge jar go jar maa wer Yeso
(5 min.) Ndalge de jobo maaga ndo had ne de Bible, ga bay go gẽẽge ciŋ wa. (lmd hadge 12 maa klee 5)
Siŋ 5
7. Maaga ɗiggi raw ẽgre maa jõõre wo, de tigliiri wo we go no
(15 min.) Ndalge.
Jar maaga joŋ wo peele ne Jeofa bay wo go de yããge jag re lawge wo wa. Ko saɓlaŋ Dafid ɗa. Á yiŋ de re lawge nen naw ɓe debaŋ. Hẽẽre naa wo wara debaŋ nen tee re sen lay (Siŋ. 13:3; 139:23). Re maa de baywooren diŋ ga, koh maa jõõre wo de maa tigliiri wo dra’ yiŋ wo de re lawge lay. De maaga ndo yaŋ nen lawge no, fẽẽre maa doo woge ti lakole, ti taygeti wo, kol wo ko moge de gayri debaŋ. Maapo ɗiggi maaga ndo mo ‘war see ɓo go kol nduugi ne ndo ti.
Nday maa jõõre de tigliiri no, hayga nday yaŋ ko see ɓay nen lawge debaŋ do re po wo no, wãã we ɗiggi ɓay ne pan ɓay noga ne man ɓay, noga pa ne jobo maaga yaŋ go de ruggi no. Tos wee Jeofa maaga á mo kay nday lay (Fil. 4:6). Á kay ge mbe nday yaŋ (Siŋ. 94:17-19; Esa. 41:10). Naa ko saɓlaŋ hẽn naa Steing ɗa.
Kaŋ VIDEYO Jeofa ɗaw ndi do ɓe. Blam ɓe wii jag jare:
• Verse maa hõn ɓil Bible kay Steing là, wer maylà?
• Jeofa ɗaw ne do na ɗawge là?
Pããrebe wo, nday kay weere ɓay wo jag re maaga car wo jiili na kayge ne? Co’ wee sug ɓaara desãy. Wãɗ wee ne hara ga nday da ra debaŋ. Kay wee ra maaga á mo kaŋ wo ɗiggi ɓaara ti dage maa ni Jeofa no (Tid 2:4; Jag 1:19). Kaŋ wee ɗiggi ɓay ti Jeofa maaga á mo hã ẽgre maaga nday de sãy ɓe ti ne nday maa kay weere ɓay wo no.
Maapo ga naa ko ga jobo maa ti tayge naa nen lawge ga. Day koh naa mo hay ba de koge ga jee ɓen nen re, maapo naa ko maaga á de gayge ɓe na gayge la ga. Amaa naa mbe de kããge maa kayge ɓe maaga á mo ko ga naa da se debaŋ.—Jõõ. 12:25; Heb. 10:24.
