Ndo hay jaŋ mbo kefder Ngeel Gor ti Jare maaga laa wo le nen kiŋgi sen la go de woore ɓuy yawlà? Hayga yaŋ no, dur maa yiŋ jag ti wiigi jag maa glog wo la no:

Jeofa hã saɓlaŋ maa de woore maa hõn ne naa ti ɓaŋ joŋge see naare wo là?

Jeofa bay da werpiiri wo de daŋ naare wo wa. Jeofa co’ sug naare wo, lan ko ɗiggi ɓaara de re maa see ɓaaran wo lay. Lan se kaŋ ɗiggi ti naare wo maa joŋ joŋre maa ɓe no.—w24.01, pp. 15-16.

Efes wo 5:7 wãã ga “tay we de jar se kay wo wa hase.” Naa hoo sug ti jag liŋgi sen na hooge là?

Apotre Pol ɓo’ sug naa maaga naa mo hay baa barge de jar maaga srog wo glog naa maaga naa mo yãã jag Baa wa wa. Naa baa barge de jar sen wo diŋ de maaga naa ig see ɓaara, lan de maaga naa ndal de ɓaara ti ‘réseaux sociaux’ wo mono.—w24.03, pp. 22-23.

Gete’ maa hõn wo ga naa mo ɗee go see ɓaara là?

Naa mo ɗee go see wããre maaga bar naa wãã wo ne naa, ga naa bay de koge ga á diŋ cwãy yaw, noga baywa yawlà wa mono. Naa mo ɗee go see leder noga ‘emails’ maaga a wo le see jar maaga naa bay de ko rage wa mono. Naa mo ɗee go see aposta, maaga joŋ wo see ɓaara doo ga saara de sãy had cwãy ti no mono.—w24.04, p. 12.

Naa de ko mayse ti ɗeŋ maaga Jeofa caa ge kiida Waŋ Salomoŋ, wo de jar maaga huu wo go ti bii maŋge, de jar Sodom wo de Gomor là? Naa bay de koge mayse wa là?

Naa bay de koge ga Jeofa bir gi ra yaŋ le go yaw noga baywa yawla wa. Amaa naa de koge ga Jeofa go de ko joŋre ɓaaran wo ɓuy, lan ga á ko decoo jar debaŋ.—w24.05, pp. 3-4.

De maaga Bible wãã ga Baa diŋ “Húulì” mono, sen hã bawge go ne naa jag jiili ga hãylà? (Dog. 32:4)

Sen kay naa maaga naa mo kiɗ ngeel yoŋre see Jeofa. Sen had naa ga naa mo kaŋ ɗiggi naa ti ɓe, werga á bag ge jag fẽẽre maaga á wãã ga se joŋ ra go tum. Sen had naa pa ga Jeofa bay cooge wa; ɗiggi ɓe wo de fẽẽre maaga á de sãy joŋ rage ti coo wo ti boŋ ga lay.—w24.06, pp. 26-28.

Mayse kay mo maa da’ fruygi hayga ndo raw we ti tayge maa tigriŋ là?

Kaŋ ɗiggi ɓo diŋ ti Jeofa. Á kay mo yaŋ doo maaga á hay kay jar maa ɓaa wo le no lay. Tab hẽẽrebe maa ti tayge maaga ndo patala ni de hẽẽrebe maa ti tayge maaga ndo hay le ni taŋgu mo wa. Joŋ joŋre ti tayge ɓo maa defay no, lan dur maa baa barge maa tigriŋ wo.—w24.07, pp. 26-28.

Naa da’ hadge maa hõn wo see jag jõõ maaga naa da’ ɓil Matiye 25 là?

Jag jõõ maa ti sããren wo de ɓẽẽren had wo naa ga naa mo hay de deele. Jag jõõ maa ti mãyre maa 10 had naa ga naa mo hay go de puygi ti nenterse, lan naa mo hay go de grag see naa maa joŋ joŋre ne Jeofa. Jag jõõ maa ti jar joŋre maa 3 had naa ga naa mo hay de baa wuu ti joŋre maa ni Baa no.—w24.09, pp. 20-24.

Gẽẽre jewlere tiŋ-Baa maa ni Salomoŋ hay gemãy là?

‘Manuscrits’ po maa ɓaa wãã wo ga ɓil 2 Kronig 3:​4, gẽẽre ɓe hay “coudées” 120, kaŋ nen ga meder 53. Amaa ‘manuscrits’ maa po ga daŋ wo go debaŋ wãã wo ga á hay “coudées” 20, kaŋ nen ga meder 9. Gẽẽre maa meder 9 de tabge de gẽẽre glig tiŋ-Baa maa ni Salomoŋ no.—w24.10, p. 31.

De maaga Bible wãã ga jee kay jar maa peel tayge ‘mo hay de wãy boŋ’ mono, sen da wããge ga hãylà? (1 Tim. 3:12)

Sen da wããge ga á mo da wãy boŋ tu, mo hay de naare ngaɓa wa; day á mo joŋ figliw wa pa. Ni pa mono, á mo slag nen ti naare maa tigriŋ wo wa.—w24.11, p. 19.

Wer mayse ga naa wãã ga wããre maaga naa da’ ɓil jaŋ 6:53 bay wo diŋ fẽẽre maa joŋge ti Hoole Waŋkluu wa là?

Jaŋ 6:53 wãã ga à mo re hõõgesee Yeso, jo cíi ɓe lay. Yeso wãã wããre sen nen kiŋgi maa 32 N.W.N., wo Galile, ne jar Jwif maaga hay bay wo hã ɓil ti ɓe wa ɗa mono. Amaa, Yeso hay caa jag maŋ Hoole Waŋkluu nen kiŋgi maa 33, wo Jerusalem. Yeso hay wãã wããre ti wur sen diŋ ne jar maaga kol ge wo waŋre ciŋ ti jeŋ ɓe mono.—w24.12, pp. 10-11