Naa goŋ Jeofa bay diŋ yoo ngaɓa maa ti taygeti wo, ti taygeti maa kleere wo, lan ti maa kluuri wo tawa wa, amaa de maaga ndo boŋ lan ɓi feele lay. Yaŋ po wo mo ta’ la kay wo ndo yaŋ maa frug nen wããre Baa boŋ ɓo, lan ɓi feele:

• Bag jag see ɓo go see taygeti maa nen naw renam wo no. Ndo mbo nen had siŋ, lan kay jar maa liŋ ni ɓay wo maaga á mo bag wo jag see ɓaara go maa fer wããre lay.

• Jaŋ wããre ti jobo maa ɓil Bible, Blam, maŋ foto mopo hãy tu noga yer fẽn maaga ndo laa ni.

• Frug nen tosge po maaga ndo da’ ɓil Bible, lan ɗig ti maaga á kay ndo kayge maa ‘wũy nen tosge ɓon wo là mo lay.

• Ko videyo ɓil jw.org, blam ni ndo ndal ti ɓe de jar maa tigriŋ wo noga yer paragraf ti fẽn maaga ndo laa ni mono.

• Bag jag see ɓo go see siigi wããre no, maapo ga de had ɗeŋ siigi ɓe go liŋ peel bole.

• Ko fẽẽre maaga Baa joŋ ra, lan ɗig ti ɓaara noga ndal ti fẽn maaga á had mo ti Jeofa mono. a