De maaga naa jaŋ Bible mono, naa joŋ joŋre de fẽẽre hadge po wo wer sar sar maa laa wer fẽn maaga naa jaŋ ne go de woore. Amaa naa frug nen wããre Baa bay diŋ maa ya’ koge re naa ciŋ ti Bible tawa wa. Naa de sãy da’ wer cõõre wããre wo ti joŋre Jeofa maa de wooren wo maa ya’ dage naa see ɓe ciŋ ni. Maa joŋge doo sen ne mono, naa wii jag see naa ga, ‘Wããre se ɓil Biblen la had me ti Jeofa ga hãylà?’

Naa mo kiɗ ɗeŋ maaga Jeofa ngaɓ go ga se de dage, de ko re, de deele lan de ẽgre mono. Amaa, joŋre Jeofa bay diŋ maa se 4 wo mo ta’ la tawa wa; joŋre ɓe maa tigriŋ de woore yaŋ wo mbaara ngaɓa deŋ pa. Day ndo da’ joŋre ɓe sen wo la genlà?

Ko joŋre ɓe sen wo ɓil Index des publications des Témoins de Jéhovah wer ngeel maa kluu “Jéhovah” wer ngeel maa klee “Qualités par nom.” Kiɗ maaga wo de tabge de wããre maaga ndo de jaŋge ɓe mono. (Hayga yaŋ da’ge do ɓo diŋ Guide de recherche pour les Témoins de Jéhovah no, ko wer ngeel maa kluu “Jéhovah Dieu” blam ɓe wer ngeel maa klee “Qualités de Jéhovah.”)