Maaga naa mo co jag Jeofa mono, naa de hay de hãge ɓili. Amaa Bible wãã ga “Jar bay wo de hãge ɓil . . . ɓuy wa.” (2 Tes. 3:2) De maaga Pol yer verse sen la á hay wããge diŋ ti jar “maa de ɓlagge maa de hãã” ga hay joŋ wo bon ɓe, lan ga se hay de sãy da’ yããge go ti. Amaa fẽn maaga se wããn bag jag go ti jar ngaɓa. Jar po hee wo go ti ɓaara ga mopo bay go ngaɓge de woore, ga jee joŋ fẽẽren ɓuy yaŋ wa—kaŋ nen ga Baa. (Rom. 1:20) Jar po ɗig wo ga saara de hã ɓil ti jobo noga ti fẽn po maa de ẽgre debaŋ. Amaa sen bay diŋ hãge ɓil maa ti ngeel ɓe maa cooge wa.

Naa de hay go de bawge jag jiili naa ga Jeofa yaŋ lan ga á diŋ jee poɗ jar maaga hãge ɓil ɓaara wo kwũy mono. (Heb. 11:6) Hãge ɓil sen a le diŋ see nenterse maa bay ɗag maa ni Baa no. Naa da’ nenterse maa bay ɗagn diŋ de wii Jeofa nen tosge. (Lug 11:​9, 10, 13) Fẽn po maaga daŋ go ga hã nenterse se maa bay ɗagn ne naa pa diŋ jaŋge Bible maaga à yern de nenterse maa ni Jeofan mono. Blam sen naa mbe de kããge maa ɗiggi ti fẽn maaga naa jaŋ ne mono, lan dur maa joŋ joŋre de ɓe. Se diŋ de ɗeŋ maa sen ga naa hã faage ne nenterse maa ni Jeofan maaga á mo kay naa maa joŋ joŋre maaga ngaɓ go ga naa de hã ɓil maa ti ngeel ɓe mono.