De maaga naa le’ bag jag see naa we maa frug nen wããre Baa no, naa mo wii jag see naa ga: ‘Mayse de gor mege maaga ndi frug wer ɓe là?’ Koh naa mo hay ba de ko fẽn maaga naa de sãy hadge ɓe ti laybla no, sen bay da wããge ga naa da’ hadge maa defay ni ga so na wa. Naa joŋ joŋge maa co’ sug fẽn maaga Jeofa had ne naa ɓil wããre ɓen là?

Tos maa da’ koge re. Wii Jeofa ga á mo kay mo maa ko fẽn maaga á da ga ndo mo had ne patala mono. (Jag 1:5) Kaŋ ti diŋ ti fẽẽre maaga ndo hay go de ko rage mo tawa wa.Jõõ. 3:​5, 6.

Men ẽgre wããre Baa joŋ joŋre nen naw ɓo. “Wããre Baa tenene.” (Heb. 4:12) Wersen, tum de maaga naa jaŋ Bible mono, naa mbe de kããge maa had fẽẽre maa defay wo, lan jaŋge sen mbe de kããge maa kay naa nen naw naa de ɗeŋ ngaɓa. Amaa, sen joŋ ge say de maaga naa yãã we ga naa had fẽẽre maaga Baa de sãy had rage ne naa ti mono.

Hay tum joŋ suse’ ne Jeofa ti fẽẽre maaga á joŋ joŋre de ɓaara maa had naa mo ɓuy. Rege ɓe maa ti nentersen doo “rege maa de woore wo” nono. (Esa. 25:6) Men jaŋ fẽẽre maaga ndo ɗig ga á co wo jag ɓo ga go wa. Hayga ndo joŋ fẽẽre sen deŋ wo wee no, ni ndo de ɓo’ faage ne Baa ga á mo kol mo diŋ jobo maa ti ngeel ɓe, lan ndo da’ ge fruygi maa frug nen wããre Baa lay!