YÃÃGE WAARE Jar yãã waare naa wo diŋ maa kay naa. Kamkam ɓay, hoo wee sug ti jag liŋgi maaga á hãn wo ne nday ti ɓaŋ ngeel lag mooda wo, moto wo, velo wo, de maaga nday laa le ɓil noga laa go siigi, ti ɓaŋ baage ngeel lagge wo, lan ti ɓaŋ fẽẽre maa tigriŋ wo pa.

BATEM Hayga à ya’ ne we ti ngeel tigriŋ ga no, ni ngeel lagge jar maaga a wo maa joŋ batem joŋ ge diŋ peel ngeel maaga jee sii wããren oo ni mono. Wur Ɓesge de jag toŋ, daga jar maaga nduu wo maa joŋ batem mo hay wo go de lagge ni taŋgu maaga à tĩĩ sii wããre maa batemn mono. Wosela ɓuy mo hay de serviette ɓe, de õõbe maa kalge nen biin lay. Õõben mo hay wo go yoŋ ngeel sõõre ɓay de wõõre.

HÃGE SOLAY Maaga naa mo da’ ngeel lagge, mo laa taygetin de woore, ko videyo wo, noga fẽẽre maa tigriŋ ga kay wo naa maaga taygetin mo hay de woore, day mo ya’ naa see Jeofa mbaŋ lay mono, sen wii solay do naa debaŋ. Hãge ɓay maaga nday hãn de dage kay maa bag jag joŋre se deŋn wo go, lan kay maaga joŋre siigi wããren mo hay seege ciŋ. Maa kay nday ti hãge solay mono, komrom yaŋ wo go de hagge ti cõõ ngeeln ka’ ka’ tinoo. Hayga ndo da we ga ndo joŋ offrande le diŋ ɓil appareil ɓaa no, kal ɓil site donate.pr418.com. Offrande ɓay mo hay ba gemay ne, ɓil wùr go ti ɓe feh. Tayge jar maa peel sedeewa Jeofan wo de joŋ suse’ ne nday debaŋ ti kayge ɓay maaga nday kay maaga joŋre siigi wããren mo hay seege ciŋ mono.

CAAGE WAR JAR CEEGE WO Hay wee de koge ga sen diŋ maa caa war jee ɓen tawa tu.

FẼN MAAGA YEE GO, DAY JOBO DA’ NE Hayga ndo da’ mopo we go ga ndo bay de ko jee ɓen wa no, wo de ɓe ne jar maaga à hã fẽẽre maaga à da’ ra go ne hara do mono. Hayga mopo ɓo yaŋ go de yeege no, wo see jar sen wo no, ni ndo kiɗ fẽn ɓo maaga yee go mono. Weere maaga wel wo go, ga pããre ɓaara yee wo nen ɓaara go mono, à wo mbe wo de ɓaara ni lay. Amaa maaga naa mo hã joŋre ne jar sen wo do wa mono, daga nen naa mo hay ti weere naa wo no.

NGEEL LAGGE Kamkam, daga naa hay ɗiggi ti jar lan wo no. Baa wee ngeel lagge diŋ ne jar maa ɓi feele ɓay wo, jar maaga nday ɗii mooda le wer kẽẽ, jar maaga nday liŋ boŋ, noga ne jee maaga ndo de had Bible ne hẽne. Kamkam ɓay, ya’ wee mopo maaga ɓo’n bay nday wa go ti jeŋ wa.

JAR MAAGA DA WO GA SAARA KAY TI JOŊRE PO Hayga ndo yaŋ de sãy kayge ti joŋre po no, wii jar maa ti ɓaŋ ngeel maa sen wo no.